Fövqəladə Hallar Nazirliyinin (FHN) İdman Sağlamlıq Klubunun təşkilatçılığı ilə mərhum beynəlxalq qrossmeyster Vüqar Həşimovun xatirəsinə həsr olunan şahmat çempionatı keçirilib. Siasport.az saytının məlumatına görə, yarış 5 gün davam edib.
Çempionatın final mərhələsi FHN-nin Tikintidə Təhlükəsizliyə Nəzarət Dövlət Agentliyində baş tutub.
Tədbirdə FHN-nin İdman Sağlamlıq Klubunun rəisi, polkovnik Füzuli Musayev, Vüqar Həşimovun atası Qasım Həşimov, Azərbaycan Şahmat Federasiyasının vitse-prezidenti Faiq Həsənov, Bakı şəhər Gənclər və İdman Baş İdarəsinin rəisi Raqif Abbasov, peşəkar kikboksçu Pərviz Abdullayev iştirak edib.
FHN-nin İdman Sağlamlıq Klubunun rəisi, polkovnik Füzuli Musayev tədbiri açıq élan edərək, iştirakçılara uğurlar arzulayıb.
Nəticələrə əsasən, Ramiz İsgəndərov (FHN-nin Akademiyası) 1-ci, Elçin Əsədov (Tikintidə Təhlükəsizliyə Nəzarət Dövlət Agentliyi) 2-ci, Dəyanət Məmmədov (Şimal Qərb Regional Mərkəzi) 3-cü yerdə qərarlaşıb. Qaliblərə diplom, medal, qiymətli hədiyyələr təqdim olunub.
Komanda şəklində isə 1-ci yerə Dövlət Yanğından Mühafizə Xidməti (DYMX), 2-ci yerə Tikintidə Təhlükəsizliyə Nəzarət Dövlət Agentliyi (TTNDA), 3-cü yerə FHN-nin Akademiyası layiq görülüb və hər üç qalibə kubok təqdim edilib.
Qeyd edək ki, çempionatda nazirliyin 24 qurumu və bu qurumların 100-ə yaxın nümayəndəsi iştirak edib. Oyunları beynəlxalq dərəcəli baş hakimlər Bəxtiyar Rüstəmov, Vitali Sopranov, Respublika dərəcəli hakim Azər Abdullayev və 1-ci dərəcəli hakim Anar Əliəkbərov izləyib.
Bütün xəbərlər Facebook səhifəmizdə
USD
EUR
GBP
RUB