2015-ci ildə şahmat üzrə Dünya Kuboku yarışının və 2016-ci ildə 42-ci Ümumdünya Şahmat Olimpiadasının Bakıda keçirilməsi Türkiyədə müzakirə olunacaq. Siasport.az saytının məlumatına görə, bununla əlaqədar olaraq gənclər və idman naziri Azad Rəhimovun 6 sentyabr 2012-ci il tarixindən etibarən Türkiyəyə rəsmi səfəri başlayır.
Qeyd edək ki, Beynəlxalq Şahmat Federasiyasının (FİDE) prezidenti K.İlyumjinovun ölkəmizə səfəri zamanı Azərbaycanda 2015-ci ildə şahmat üzrə Dünya Kuboku yarışının və 2016-ci ildə 42-ci Ümumdünya Şahmat Olimpiadasının keçirilməsi barədə ilkin razılığa gəlinib.
Məhz 7-9 sentyabr 2012-ci il tarixdə İstanbul şəhərində keçiriləcək Beynəlxalq Şahmat Federasiyasının Baş Assambleyasında həmin tədbirlərin ölkəmizdə təşkili ilə əlaqədar təqdimatın edilməsi və çıxış nəzərdə tutulub.
Səfər 9 sentyabr tarixinədək davam edəcək.
Bütün xəbərlər Facebook səhifəmizdə
USD
EUR
GBP
RUB