İspaniya çempionatının hazırkı mövsümünün ilk ən prinsipial oyunu "Barselona"nın qələbəsi ilə başa çatdı. "Real" öz meydanında əzəli rəqibinin qarşısında duruş gətirə bilmədi.
"El Klassiko"nun ilk saniyələrində hesabı "Real" açdı. Qapıçının səhvindən istifadə edən madridlilərin təzyiqini Kərim Benzema qolla yekunlaşdırdı. Amma, bu, meydan sahiblərinin son sevinci oldu. 29-cu dəqiqədə Aleksis Sençes hesabı bərabərləşdirdi və komandalar fasiləyə bu hesabla yollandılar. İkinci hissədə madridlilərin müdafiəçisi Marselo öz qapısına qol vurdu. 66-cı dəqiqədə isə Fabreqas hesab arasındakı fərqi artırdı - 1:3.
Bu oyundan sonra "Barselona" və "Real"ın xalları bərabərləşdi. Hər iki komandanın 37 xalı var. Lakin madridlilər bir oyun az keçiriblər.
Bütün xəbərlər Facebook səhifəmizdə
USD
EUR
GBP
RUB