Xavi “Milan”ın yeni baş məşqçisi ola bilər

Hazırda “Barselona”nın çalışdırıcısı olan Xavi Ernandes “Milan”ın yeni baş məşqçisi vəzifəsinə namizədlərdən biri hesab olunur. SİA xəbər verir ki, “Milan” klubu Stefano Piolini əvəz edə biləcək mütəxəssisləri fəal şəkildə araşdırır.

Komanda sahibinin müşaviri olan Zlatan İbrahimoviçin mövsümün sonunda “Barselona”dan ayrıldıqdan sonra Xavinin “Milan”a gəlməsini istədiyi vurğulanır.

İtaliya klubunun yeni baş məşqçisi postuna digər potensial namizədlər arasında Ruben Amorim (“Sportinq”), Unay Emeri (“Aston Villa”), Serxio Konseysao (“Portu”) da var.

Xatırladaq ki, son aylar “Milan” rəhbərliyinin Piolini işdən çıxarmaq niyyətində olması ilə bağlı söz-söhbətlər artıb.

Bütün xəbərlər Facebook səhifəmizdə