Azərbaycanda koronavirusla əlaqədar süni tənəffüs cihazına qoşulanların sayı azalıb

Azərbaycanda koronavirusla əlaqədar reanimasiya şöbəsində müalicə alan və süni tənəffüs cihazına qoşulan xəstələrin sayı açıqlanıb. Hazırda reanimasiya şöbəsində müalicə alan xəstələrin sayı 255 nəfərdir. Avqustun 3-də isə həmin şöbədə müalicəsini davam etdirənlərin sayı 259 nəfər idi.

SİA xəbər verir ki, bu barədə Tibbi Ərazi Bölmələrini İdarəetmə Birliyindən (TƏBİB) məlumat verilib.

Xəstələrdən 51 nəfər süni tənəffüs cihazına qoşulub. Ötən gün də bu say 62-yə bərabər idi.

Hazırda ölkəmizdə 4089 aktiv koronavirus xəstəsi var. Avqustun 3-də isə aktiv xəstə sayı 4456-ya bərabər idi.

Bütün xəbərlər Facebook səhifəmizdə

loading...