Ailə, Qadın və Uşaq Problemləri üzrə Dövlət Komitəsinin, Heydər Əliyev Fondunun və BMT-nin Əhali Fondunun birgə təşkilatçılığı ilə həyata keçirilən “Azərbaycan ailəsi” film festivalının qaliblərinin mükafatlandırılması mərasimi olub. Bakı Şəhər İcra Hakimiyyəti aparatının Kino Xidməti idarəsi tərəfindən SİA-ya daxil olan məlumata görə, mükafatlandırılma mərasimində əvvəlcə festivala təqdim olunmuş film və fotolardan ibarət videoçarx nümayiş etdirilib.
Məlumat verilib ki, “Azərbaycan ailəsi” film festivalına 2008-ci ildən start verilib. Təqdim olunan işlər Azərbaycanın görkəmli elm və mədəniyyət xadimlərindən ibarət münsiflər heyəti tərəfindən qiymətləndirilib və qaliblər müəyyən edilib. 30 mart 2018-ci il tarixində start verilmiş bu ilki müsabiqəyə 57 film təqdim olunub.
Dövlət rəsmilərinin iştirakı ilə keçirən tədbirin sonunda müxtəlif nominasiyalar üzrə “Azərbaycan ailəsi-2018” film festivalının qaliblərinə diplom və qiymətli hədiyyələr təqdim olunub.
Bakı Şəhər İcra Hakimiyyəti aparatının Kino Xidməti idarəsi tərəfindən vətənpərvərlik mövzusunda lentə alınan “92-ci ilin qarı” sənədli filminə görə, “Azərbaycan ailəsi”film festivalında xüsusi diplomla təltif edilib.
Bütün xəbərlər Facebook səhifəmizdə
USD
EUR
GBP
RUB