"İnsanlar niyə xoşbəxtliyi evləndiyi şəxslə deyil, kənarda axtarır? Bu, əslində, insanın xarakteri ilə bağlı məsələdir. Elə insanlar var ki, onlar üçün ailə hər şey deməkdir". Bu sözləri SİA-ya açıqlamasında sosioloq Lalə Mehralı deyib.
Onun sözlərinə görə, çünki həyalıdırlar, namusları, mənəviyyatları var: "Onlar anlayırlar ki, evləniblərsə və münasib olan biri ilə ailə qurublarsa, deməli, bundan sonrakı həyatlarını o ailəyə sadiqliklə keçirməlidirlər. Yox, əgər sadiqlik anlayışı barədə fərqli fikirləri varsa və bu, mənəviyyatlarında fərqli formada təzahür edirsə, o zaman ailəli qalmaq o ailəyə qarşı haqsızlıq kimi qiymətləndirilməlidir.
Yəni, kişi evlənsin və yaxud qadın evlənsin, amma istədiyi münasibətləri həyat yoldaşında yox, başqasında axtarsın. Bir az da qadağan olunmuş meyvənin cazibəsi kimidir. İnsanlar uşaqlıqdan belə olurlar: əgər uşaqlara nəsə qadağan olunursa, müşahidə edirik ki, həmin şey daim onların marağında olur, onları cəlb edir və bu, böyüyənə qədər davam edir. Evdəki həyat yoldaşı artıq əlçatandır. İnsanlar isə əlçatmayan nəsnələrin, əşyaların və ya insanların sorağında olurlar, daim maraq göstərirlər. Amma o əlçatmazlıq həyata keçəndən sonra başqa bir əlçatmazlığın arzusuna düşürlər. Bu döngünün isə nə sonu var, nə də nəticəsi. Onların həyatı bu cür davam edir.
Dediyim kimi, bu, mənəviyyat məsələsidir. Mənəviyyatı olan insan ailəlidirsə, bütün istəklərini ailəsi çərçivəsində axtarmalı, ailəsi üzərində bərqərar etməlidir. Bu, qadın və ya kişi olmasından asılı olmayaraq belə olmalıdır. Kişilərə hər yerdə yaşıl işıq, qadınlara isə qırmızı işıq yanması məsələsi olmamalıdır. Əgər əxlaqdan, həyadan, ardan, mənəviyyatdan söhbət gedirsə, bu, hər iki cins üçün də keçərli olmalıdır".
Bütün xəbərlər Facebook səhifəmizdə
.jpg)
USD
EUR
GBP
RUB