"Vidadi İsgəndərli, sənə səslənirəm. Bəs bunları ermənilər etməyibsə, kim edib? Vicdanına and içirsən ki, ermənilər bizə heç nə etməyib. Əgər o vicdan səndə varsa... Mən belə hesab edirəm ki, o şey səndə olmadığına görə ona and içirsən".
Bu sözləri Yeni Azərbaycan Partiyasının Gənclər Birliyinin üzvü, gənc fəal Hüseyn Qurbanov “siyasi mühacir” adı altında düşmən dəyirmanına su tökməklə məşğul olan Vidadi İsgəndərlinin ermənilərin işğalçılıq siyasətini dəstəkləyən növbəti çıxışına münasibət bildirərkən deyib. "Vidadi İsgəndərli vicdanına and içir ki, ermənilər bizə heç bir pislik etməyiblər. Mən bunu təbii ki, təəccüblə və dəhşətlə qarşıladım”, deyən gənc fəal sual edib ki, bəs bizim torpaqlarımızın işğalı, Qarabağımızın işğalı, 30 mindən yuxarı verdiyimiz şəhidlər, Xocalıda baş verənlər? Qadınlarımızın, uşaqlarımızın, yaşlılarımızın kütləvi şəkildə məhv edilməsi, bir gecədə 632 nəfər Azərbaycan vətəndaşının, məhz azərbaycanlı olduğuna görə öldürülməsi, 1278 nəfərin əsir və girov götürülməsi...
SİTAT: “Vidadi İsgəndərli, sənə səslənirəm. Bəs bunları ermənilər etməyibsə, kim edib? Vicdanına and içirsən ki, ermənilər bizə heç nə etməyib. Əgər o vicdan səndə varsa... Mən belə hesab edirəm ki, o şey səndə olmadığına görə ona and içirsən. Siz siyasi hakimiyyətə rəqib ola bilərsiniz, müxalif ola bilərsiniz, fikirlərinizi bildirə bilərsiniz. Amma milli məsələdə, dövlət məsələsində, milli maraqlar məsələsində, torpaq məsələsində sən necə ermənilərin yanında ola bilərsən? Təəssüflər, çox təəssüflər. Xalq sizin kimiləri heç vaxt bağışlamayacaq".
Gənc fəal bu həssas məqamda Azərbaycana qarşı olan, erməniləri dəstəkləyən və mühacirətdə yaşayan bəzi qüvvələrin bir mərkəzdən idarə olunduğunu vurğulayaraq, Vidadi İsgəndərlidən savayı, Sevinc Osmanqızı və keçmiş səfir Arif Məmmədova da səslənib: “Eyni zamanda, mən sanki bir mərkəzdən idarə olunan ABŞ-da olan Sevinc Osmanqızına səslənirəm. Bəs sizin atanızı, Osman Mirzəyevi kim qətlə yetirib? Bir fikirləşin. Hətta Qarabağ məsələsində belə hakimiyyəti günahlandırmaq, bu, Allahsızlıqdır. İnsanlar öz etirazlarını bu və digər formada bildirirsə, Avropada onların bu etirazına qarşı ermənilər güc və zor tətbiq edirsə, burada günahı Azərbaycan hakimiyyətində axtarmaq lazımdı, ya ermənilərin vəhşiliyində? Eyni zamanda, Arif Məmmədov yenə də Avropada baş verən hadisələrdə Azərbaycan hakimiyyətini günahlandırmağa çalışır. Siz hamınız bir mərkəzdən idarə olunursunuz və siz hamınız bu dövlətə düşmən kəsilməklə bütün körpüləri qırmısınız. Azərbaycan xalqı sizin kimiləri heç vaxt bağışlamayacaq".
Bütün xəbərlər Facebook səhifəmizdə
USD
EUR
GBP
RUB