"Yaxın günlərdə məntəqə seçki komissiyalarının üzvlərinə qruplar şəklində treninqlər keçirilməyə başlanacaq". SİA-nın xəbərinə görə, bunu Mərkəzi Seçki Komissiyasının (MSK) sədri Məzahir Pənahov bu gün keçirilən iclasda deyib. O bildirib ki, sözügedən treninqlər üçün 1 ay vaxt sərf ediləcək.
Onun sözlərinə görə, beynəlxalq təşkilatların nümayəndələrinin treninqlərdə iştirakı zəruridir: "Mən beynəlxalq təşkilatların nümayəndələrinin bu treninqlərdə iştirak etməsini istəyirəm. Digər tərəfdən, bülletenlərin çap olunması bələdiyyə seçkilərində daha çox vaxt aparır, 1607 növ bülleten çap olunur. Bülletenlərin çapı dekabrın 15-ə qədər başa çatmalıdır. Çünki səsverməyə bir həftə qalmış biz bütün tədbirləri dayandırırıq".
MSK sədri həmçinin bildirib ki, müşahidəçilər və polis üçün, o cümlədən seçki günü üçün yaddaş kitabçaları hazırlanır: "MSK polislər üçün də tədbir keçirəcək. Mən artıq bununla bağlı Daxili İşlər Nazirliyi ilə danışmışam".
Məzahir Pənahov qadınları bələdiyyə seçkilərində fəal iştirak etməyə, namizədliklərini irəli sürməyə də çağırıb.
Elvin Abdulqədirov
Bütün xəbərlər Facebook səhifəmizdə
USD
EUR
GBP
RUB
