"ATƏT-in Minsk qrupunun fəaliyyəti qaneedici deyil, lakin onsuzda keçinmək mümkün deyil. Çünki problemin çözülməsi üçün yeganə diplomatik kanal, müstəvi ATƏT və onun yaratdığı Minsk qrupudur". Bu sözləri SİA-ya politoloq Qabil Hüseynli həmsədrlərin fəaliyyəti ilə bağlı danışarkən deyib.
Onun sözlərinə görə, həmsədrlərin məqsədi atəşkəs rejiminin qorunması və daha da möhkəmləndirilməsidir: "Sülh yaratmaq məsələsində danışıqların canlandırılması istiqamətində hələ ki, ortada bir şey yoxdur. Çünki, həmsədrlərin Dağlıq Qarabağ probleminin həll olunması istiqamətində deyiləcək sözü yoxdur".
Politoloq həmçinin bildirib ki, baxmayaraq ki ATƏT-in Minsk qrupu uzun müddətdir ki fəaliyyət göstərir, lakin heç bir işin öhdəsindən gələ bilmir".
Açıqlaması zamanı 2014-cü ilin yanvar ayında keçirilən Azərbaycan və Ermənistan prezidentləri arasında keçiriləcək görüşə toxunan Q. Hüseynli bildirib ki, görüş sülh prosesinin yeni istqamətdə uzadılmasına, proseslərin daha real zəmində irəliləməsinə imkan yarada bilər.
Bütün xəbərlər Facebook səhifəmizdə
USD
EUR
GBP
RUB