Bu gün Səbail rayonunda müasir Azərbaycan dövlətinin qurucusu, Azərbaycan xalqının ümummilli lideri Heydər Əliyevin anadan olmasının 89-cu illiyi münasibəti ilə genişmiqyaslı tədbir təşkil olunub. SİA-nın verdiyi xəbərə görə, Səbail Rayon İcra Hakimiyyəti tərəfindən tərtib olunmuş tədbirlər planına uyğun olaraq şəhərin mərkəzi olan "Sahil bağı"da ənənəvi olaraq əzəmətli Gül bayramı keçirilir.
Bu əlamətdar günlə bağlı rayonun idarə, müəssisə və təşkilatlarında, ali və orta məktəblərin təhsil müəssisələrində müxtəlif mərasimlər, şer, mahnı, rəsm müsabiqələri, sərgilər və idman yarışları keçirilir. Bayramda rayonun məktəbləri və aili təhsil ocaqları - Azərbaycan Dövlət Pedaqoji Universiteti, Azərbaycan Dövlət İqtisad Universiteti, Qərb Universiteti, Bakı Oksford Məktəbi canlı və süni güllərdən düzəldilən ekspozisiyalar təqdim ediblər. Rayonun orta və orta ixtisas məktəblərinin, Uşaq Yaradıcılıq Mərkəzinin şagirdləri müxtəlif çiçək və güllərdən, bitki yarpaqlardan hazırladıqları rəngarəng tablolar, aplikasiyalar, gül kompozisiyaları öz görünüşü və gözəlliyi iıə seçilib, şagirdlərin fantaziyaları nümayiş etdirilib.
Parkda Bakının, eyni zamanda Səbail rayonunun simvolu olan olan Qız Qalasının maketi, "Azərbaycan Muğam" kompozisiyasının, "Mömünə Xatun" məqbərəsinin ekspozisiyası nümayiş etdirilib.
"Sahil bağı"nda keçirilən Gül bayramında iştirak edən Dövlət Neft Şirkətinin kollektivi də bağda rəngarəng güllərdən düzəldilən eksponatları nümayiş etdiriblər. Bayram tədbirində respublikanın populyar müğənniləri iştirak ediblər.
Məlumat üçün bildirək ki, bayrama hazırlıq dövründə rayon ərazisində aparılan genişmiqyaslı abadlıq və təmizlik işləri çərçivəsində hər həftə iməcilik keçirilib. Minlərlə yeni ağac və gül kolları əkilib.
Bütün xəbərlər Facebook səhifəmizdə
USD
EUR
GBP
RUB
