Mürtəza Həsənov: “Sarkisyanın BMT Baş Məclisinin 66-cı sessiyasındakı çıxışı siyasi savadsızlıq və cahillikdir” - MÜSAHİBƏ
Prezident yanında Dövlət İdarəçilik Akademiyasının "Yol" Geostrateji Araşdırmalar Mərkəzinin baş elmi işçisi Mürtəza Həsənovun Səs TV-yə müsahibəsi:
- Mürtəza müəllim, Ermənistan prezidenti Serj Sarkisyanın BMT Baş Məclisinin 66-cı sessiyasındakı çıxışını, utanmadan BMT kürsüsündən sülhdən, təhlükəsizlikdən danışmasını növbəti dəfə dünya ictimaiyyətini çaşdırmaq kimi qiymətləndirmək olarmı?
- Azərbaycan torpaqlarının 20 faizini işğal etmiş bir dövlətin başçısından bundan başqa heç nə gözləmək olmaz. Əslində dövlət adamına, bir liderə bu cür danışmaq yaraşmır. Bu, küçə adamına xas bir danışıqdır. Siyasi savadsızlıq və cahillikdir. Biz bilirik ki, onların bu yalanları keçmişdə olub, hazırda da var və gələcəkdə davam edəcək. Sadəcə onlar bu cəfəngiyat iddiaları ilə bəzi ölkələri inandırmağa cəhd edirlər. Azərbaycan, onun ordusu isə bu gün güc yolu ilə işğal edilmiş torpaqlarını azad etmək iqtidarındadır. Lakin dövlətimiz hələ ki, sülh yolunu seçir.
- BMT-də Azərbaycanla bağlı iki qətnamə layihəsi müzakirə olunacaq və Sarkisyanın yalanları bu qətnamə layihələrinin qəbuluna hər hansı mənfi təsir göstərə bilərmi?
- Heç bir təsir göstərə bilməz. Çünki Azərbaycan ərazi, əhali, iqtisadi baxımından, yeritdiyi xarici siyasət baxımından Qafqazın ən güclü ölkəsidir. Ümumiyyətlə, beynəlxalq münasibətlərdə qardaşlıq əlaqələri yoxdur. Sadəcə bizimlə Türkiyə arasında qardaşlıq əlaqələri mövcuddur. Bu isə tarixi bağlılıqdan, ortaq soydan, dildən, eyni dindən olmamamızdan irəli gəlir. Bir sözlə hər kəs öz mənfəətini, çıxarlarını düşünür. Azərbaycan qərbin enerji təhlükəsizliyində önəmli bir rola malik ölkədir. Qərbin də öz məqsədləri, mənfəətləri var. Azərbaycan heç vaxt Ermənistanla eyni tərəziyə qoyulmur.
- Azərbaycanın BMT Təhlükəsizlik Şurasının qeyri-daimi üzvü seçilməsi məsələsi də müzakirə olunacaq. Burada Azərbaycanla yanaşı, daha iki ölkənin - Sloveniya və Macarıstanın da üzvlük məsələsi gündəmə gətiriləcək. Sizcə, bu üç ölkənin hansının Təhlükəsizlik Şurasına qeyri-daimi üzv seçilməsi realdır?
Bütün xəbərlər Facebook səhifəmizdə
USD
EUR
GBP
RUB