“COP29-un ölkəmizdə keçirilməsi məsələsi artıq təsdiqini tapıb. Hətta düşmən Ermənistan belə buna razılıq verib. Çünki iki dövlət arasında qarşılıqlı sülh yaratmaq prosesində və danışıqlarda buna nail olunub”. Bu sözləri SİA-ya açıqlamasında millət vəkili Tahir Kərimli deyib.
Deputat bildirib ki, COP29-un ölkəmizdə keçirilməsi mühüm əhəmiyyətə malikdir: “Şərqi Avropa ölkələrindən Bolqarıstan namizədliyini irəli sürsə də, Rusiya və Belarusiya onları blokladı. Amma Azərbaycanın real bir namizəd olması hər kəsə məlumdur.
Azərbaycan COP29-a ev sahibliyi edə biləcək böyük bir infrastruktura malikdir. COP29 böyük ümumdünya iqlim sammitidir. Bu sayədə ölkəmizə 180-ə yaxın dövlətin iştirakı ilə 70 min qonağın gələcəyi gözlənilir. Bu baxımdan COP29 kimi beynəlxalq tədbirlərin ölkəmizdə keçirilməsi, həm də ölkə turizminə mühüm töhfə verir”.
Bütün xəbərlər Facebook səhifəmizdə
USD
EUR
GBP
RUB