Özüm də bilmədim nə zaman, nə vaxt
İllər ömrü, günü yarı eləyib.
Xalxın hər gününü bəxtəvər, xoşbaxt
Mənim hər günümü qara eyləyib
İllər daha mənə neyləməliydi?
Zərif əllətimi əlimdən alıb
Qara tellərimi əlimdən alıb
Gənclik illərimi əlimdən alıb
Məni 50 yaşlı qarı eliyib
İllər daha mənə neyləməliydi?
Əlindən qaçmağa yermi qalıbdı?
Açıb tökmədiyi sirmi qalıbdı?
Çiynimdə illərin cürmü qalıbdı
Dərd yükü çiynimi yara eləyib
İllər daha mənə neyləməliydi?
Ürəyin əzəlki zoru qalmayıb
Əriyib gözümün nuru qalmayıb
Çeşmə bəbəklərim duru qalmayıb
Gözümdə dünyanı darı eləyib
İllər daha mənə neyləməliydi?
Gün günün üstünə günümü gəlib?
Gəlib aparmağa günümü, gəlib.
Ömrümün payızıa yenimi gəlib
Yaşıl yarpağımı sarı eləyib
İllər daha mənə neyləməlydi?
Dursun Musayeva
Bütün xəbərlər Facebook səhifəmizdə
USD
EUR
GBP
RUB
