Bir ili də yaşayıb,
Qalanlara - salamlar.
Sevginin qucağında,
Olanlara - salamlar.
Həyatın bir anını,
Yalanların sonunu,
İtirdiyi canını,
Bulanlara - salamlar.
Gücünü, qüvvətini,
Taleyin qismətini,
Üzündən həsrətini,
Yonanlara - salamlar.
Dünyadan gedənlərə,
Ömürdən itənlərə,
Bu ruhsuz bədənlərə,
Donanlara - salamlar.
Dünyanın yaddaşına,
Bəxtlərin sirr daşına,
Hər şeyi özbaşına,
Qananlara - salamlar.
İtirilmiş torpağa,
Budaqsız hər yarpağa,
Yaş göndərib yanağa,
Yananlara - salamlar.
Dirilərək, ölərək,
Dərdimizi bölərək,
Üzümüzə gülərək,
Ananlara - salamlar.
Edilən günahlara,
İçdən qopan ahlara,
Qaranlıq sabahlara,
Çatanlara - salamlar.
Hər ötən ildə qalan,
İçimizdə boğulan,
Arxamızda yıxılan,
Qurbanlara - salamlar.
Çiynimizdə mələyə,
Hələ sevən ürəyə,
Allah, səninəm - deyən,
Adamlara - salamlar.
Bütün xəbərlər Facebook səhifəmizdə
USD
EUR
GBP
RUB
