Vətən oğlu, adın düşüb
Dilə-dişə, bilirsənmi?
Əməlindən qürur duyur,
Dost həmişə, bilirsənmi?
Dayanmısan, məğrur, mətin.
Xidmətində bu millətin.
El-obaya məhəbbətin.
Verib rişə, bilirsənmi?
Nifrətin var, xəyanətə,
Heyranam, bu dəyanətə,
Əl atanlar cinayətə,
Düşüb işə, bilirsənmi?
Şərəflidir adın-sanın,
Həqiqətdir düz ünvanın,
Az qalıb ki, nadanların,
Bağrı bişə, bilirsənmi?
Nəzakətin nitqi sadə,
Dinməyir həddən ziyadə,
Çoxlarını bu iradə,
Çəkib şişə, bilirsənmi?
Nəzakət Məmmədli
Bütün xəbərlər Facebook səhifəmizdə
USD
EUR
GBP
RUB