İmişli rayon polis şöbəsi (RPŞ) əməkdaşlarının keçirdikləri əməliyyat-axtarış tədbiri nəticəsində Rəsullu kənd sakini, əvvəllər məhkum olunan Nahid Zaman oğlu Əzizovun evinə baxış zamanı oradan 54 qramdan artıq heroin, 4 qramdan artıq tiryək, 9 qrama yaxın metamfetamin və 2 kiloqram 251 qram qurudulmuş marixuana aşkar edilərək götürülüb.
SİA-nın Mil-Muğan bürosunun məlumatına görə, N.Əzizovun evində qonaqları- əvvəllər məhkum olunmuşlar Sənan Pəhləvan oğlu İsmayılovun və Cabbar Tahir oğlu Cabbarlınının üzərilərinə baxış zamanı onlardan narkotik vasitə olan heroin götürülüb.
Faktla bağlı cinayət işi açılıb, araşdırma aparılır.
Bütün xəbərlər Facebook səhifəmizdə
USD
EUR
GBP
RUB