İsmayıllı rayonunda yanğın hadisəsi baş verib. SİA-nın məlumatına görə, yanğın rayonun Vaşa kəndində olub. Yanğın zamanı qonşu olan iki ev yanıb. Belə ki, yanğında 1952-ci il təvəllüdlü Mustafayev Şakir Əlsafa oğluna məxsus ümumi sahəsi 160 k/m olan ikimərtəbəli fərdi yaşayış evi içərisində olan əşyaları ilə birlikdə, evin qarşısında olan ümumi sahəsi 30 k/m olan talvar, həyətyanı sahədə olan ümumi sahəsi 12 k/m olan təndirxana, həyətdə olan ümumi sahəsi 72 k/m tövlənin ağac konstruksiyaları tamamilə yanıb. Bundan əlavə yanğın genişlənərək qonşuluqda yerləşən Mustafayev Rza Əlsafa oğluna məxsus fərdi yaşayış evinə də keçib.
Nəticədə ümumi sahəsi 40 k/m olan kürsülü birmərtəbəli fərdi yaşayış evi içərisində olan əşyalarla birlikdə tamamilə yanıb. Hadisə zamanı xəsarət alan olmayıb.
Bütün xəbərlər Facebook səhifəmizdə
USD
EUR
GBP
RUB
