Tələbə Qəbulu üzrə Dövlət
Komissiyası (TQDK) iyulun 10-da keçiriləcək I ixtisas qrupu üzrə qəbul
imtahanında iştirak etmək üçün "İmtahana buraxılış vərəqləri"nin verilməsinə
başlanıb. Bu barədə SİA-ya TQDK-nın mətbuat katibi Elnur Nağızadə məlumat
verib. O bildirib ki, I ixtisas qrupu üzrə 34 988 abituriyent sənəd verib və
onlardan 31707-si Azərbaycan, 3281-i isə rus bölməsinin məzunlarıdır. İmtahanların
Bakı, Sumqayıt, Naxçıvan və Gəncə şəhərlərində təşkil olunacağını deyən E.Nağızadə
vurğulayıb ki, I ixtisas qrupları üzrə ümumi balı
250-dən, hər bir imtahan fənni üzrə ayrılıqda topladığı nisbi balı 10-dan az
olmayan abituriyentlər ixtisas seçimi mərhələsində iştirak etmək şansı əldə
edəcək. Onun sözlərinə görə, ümumi balı 350 və daha çox olan abituriyentlərin
ixtisas seçiminə buraxılmaları üçün onların fənlər üzrə cavablarına nisbi bal
məhdudiyyəti tətbiq olunmur.
Bütün xəbərlər Facebook səhifəmizdə
USD
EUR
GBP
RUB