“İnvestisiyaların yatırılması Azərbaycanın ərzaq təhlükəsizliyi üçün vacibdir”

“İnvestisiyaların yatırılması, dairəvi iqtisadiyyatın inkişafı Azərbaycanın ərzaq təhlükəsizliyi üçün önəmlidir”. SİA xəbər verir ki, bu fikirləri İqtisadiyyat Nazirliyinə məxsus “Azərbaycan İnvestisiya Şirkəri” ASC-nin İdarə Heyətinin sədri Murad Abdullayev Bakıda Qara Dəniz Ticarət və İnkişaf Bankının (QDTİB) 24-cü illik toplantısı çərçivəsində keçirilən “Dəyişən dünyada diversifikasiyalaşmış və innovativ Azərbaycan iqtisadiyyatının dəstəklənməsində QDTİB-nin rolu” adlı Biznes Forumda bildirib.

O qeyd edib ki, dünyada iqlim dəyişikliyi və ərzaq təhlükəsizliyi ilə bağlı mənfi təsirlərin azaldılması mühüm əhəmiyyətə malikdir: “Biz hökumətin müvafiq qolu kimi bu sektorlara yönəlmişik. Beləliklə, ərzağa tələbatının ödənilməsi istiqamətində investisiyaların yatırılması, dairəvi iqtisadiyyatın inkişafı bizim üçün çox vacibdir. Təkrar emal məsələsi də çox mühümdür".

Bütün xəbərlər Facebook səhifəmizdə

loading...