Azərbaycan qeyri-maddi mədəni irs sahəsinin qorunması, dəstəklənməsi, əhalinin asudə vaxtının mədəni təşkili üçün, o cümlədən onun infrastrukturunu təşkil edən klub müəssisələrinin fəaliyyətinin yenidən qurulması məqsədilə Azərbaycan Respublikası Mədəniyyət və Turizm Nazirliyi tərəfindən Şəhər (Rayon) Mədəniyyət Mərkəzləri yaradılmışdır, hazırda Mədəniyyət Mərkəzlərinin fəaliyyətlərinin təşkili istiqamətində iş aparılır. SİA-nın məlumatına görə, görülən işlərin davamı olaraq bu sahədə aparılan islahatların operativ və səmərəli təşkili məqsədilə Abşeron rayon Mədəniyyət Mərkəzində Sumqayıt, Abşeron, Qobustan, Xızı, Siyəzən, Şabran, Xaçmaz, Quba, Qusar rayonlarının, Şirvan şəhər Mədəniyyət Mərkəzində isə Şirvan, Hacıqabul, Kürdəmir, Sabirabad, Saatlı, İmişli, Salyan, Biləsuvar, Neftçala rayonlarının Mədəniyyət Mərkəzlərinin direktorları və metodistləri, o cümlədən aparıcı filialların (mədəniyyət, folklor, sənətkarlıq və s. evləri və klublar) rəhbərləri üçün səyyar seminarlar təşkil edilib.
Azərbaycan Respublikası Mədəniyyət və Turizm Nazirliyinin Mədəniyyət müəssisələri və xalq yaradıcılığı şöbəsinin Xalq yaradıcılığı və qeyri-maddi mədəni irs sektorunun müdiri Yaşar Hüseynli və həmin sektorun aparıcı məsləhətçisi Vüqar Məmmədov tərəfindən keçirilmiş regional səyyar seminarlarda məlumat, davamiyyət və qeydiyyat kitablarının Şəhər (Rayon) Mədəniyyət Mərkəzləri tərəfindən tərtibi qaydaları və islahatlara dair digər mövzular barədə ətraflı məlumat vermiş, seminar iştirakçılarını maraqlandıran məsələlər izah edilmiş, yaranan suallar cavablandırılmışdır. Səyyar seminarların respublikanın digər rayonlarında da keçirilməsi planlaşdırılıb.
Bütün xəbərlər Facebook səhifəmizdə
USD
EUR
GBP
RUB