Heydər Əliyev Fondunun vitse-prezidenti, "Baku" jurnalının təsisçisi və Baş redaktoru Leyla Əliyeva Azərbaycan Dövlət Musiqili Teatrında dahi Üzeyir Hacıbəylinin "O olmasın, bu olsun" tamaşasını izləyib. SİA-nın verdiyi məlumata görə, tamaşanı izləyən qonaqlar arasında Mədəniyyət və Turizm naziri Əbulfəs Qarayev, Heydər Əliyev Mərkəzinin direktoru Anar Ələkbərov və başqaları da olub. Mötəbər qonaqlar Musiqili Teatrın direktoru, Əməkdar incəsənət xadimi, sənətşünaslıq üzrə fəlsəfə doktoru Əliqismət Lalayevə yüksək səviyyədə keçən tamaşadan razı qaldıqlarını, belə uğurlu səhnə əsərlərinin teatr sənətimizin inkişafına, ümumilikdə, Azərbaycan mədəniyyətinə töhfə olduğunu bildiriblər.
Qeyd edək ki, tamaşanın quruluşçu-rejissoru Azərbaycan Respublikasının Xalq artisti, "Şöhrət" ordenli, Cənnət Səlimovadır. Tamaşada Xalq artisti Afaq Bəşirqızı, Əməkdar artistlər Şövqi Hüseynov, Əkbər Əlizadə, Ələkbər Əliyev, Səidə Şərifəliyeva, Novruz Əliyev, aktyorlar Elvin Əliyev, Əzizağa Əzizov, Əliməmməd Novruzov, Nadir Xasıyev, Hüseyn Əlili və başqaları çıxış ediblər.
Bütün xəbərlər Facebook səhifəmizdə
USD
EUR
GBP
RUB