Quba rayonunda itkin düşən şəxs tapılaraq ailəsinə təhvil verilib.
DİN-in mətbuat xidmətinin Quba regional qrupundan SİA-ya verilən məlumata görə, Qubada itkin düşən şəxs tapılıb. Rayonun Möhüc kənd sakini, ruhi xəstəlikdən əziyyət çəkən 37 yaşlı Qəni Almasov 18.11.2017-ci il tarixində Quba rayon MRX-nın Poliklinika şöbəsinə gəlib lakin sonradan evə qayıtmayıb.
Bundan narahat olan ailəsi onun tapılması üçün Quba Polis Şöbəsinə müraciət edib.
Polis əməkdaşlarının həyata keçirdikləri təxirəsalınmaz əməliyyat-axtarış tədbirləri nəticəsində həmin şəxs səhər saatlarında şəhər ərazisində tapılaraq ailəsinə təhvil verilib.
Bütün xəbərlər Facebook səhifəmizdə