NATO ilə Ukrayna arasında Ukraynanın dövlət qurumlarına kiberhücumlardan sonra inkişaf etdirilmiş texnoloji əməkdaşlıq sazişi imzalanıb.
SİA xəbər verir ki, NATO-nun verdiyi açıqlamaya görə, imzalanan sənədlə iki tərəf arasında texnologiya layihələri üzrə əməkdaşlığın davam etdirilməsini nəzərdə tutan anlaşma memorandumu yenilənib.
Saziş çərçivəsində NATO ekspertlərinin komanda, nəzarət, rabitə və bilgisayar sistemlərində bacarıqlarının inkişaf etdirilməsi sahəsində NATO təcrübəsinin mübadiləsini nəzərdə tutan “Biliklərin Paylaşılması Təşəbbüsü” də yer alıb.
Müqaviləni imzalayan NATO-nun Rabitə və İnformasiya Agentliyinin baş direktoru Lüdviq Dekamps bəyan edib ki, yenilənmiş razılaşma ilə NATO-nun Ukraynaya informasiya texnologiyaları və rabitə xidmətlərinin modernləşdirilməsində dəstəyi daha da dərinləşəcək.
Ukraynalı kadrların hansı sahələrdə təlim keçəcəklərini müəyyən edəcəklərini qeyd edən Dekamps "Mütəxəssislərimiz bu kritik tərəfdaşlığı davam etdirməyə hazırdır" deyib.
NATO ilə Ukrayna arasında texnologiya sahəsində əməkdaşlığa dair ilk saziş 2015-ci ildə imzalanıb. Bu razılaşma çərçivəsində Ukrayna hava məkanının təhlükəsizliyi üçün erkən xəbərdarlıq və koordinasiya proqramı da həyata keçirilir.
Ukraynada bəzi dövlət qurumlarının, o cümlədən Xarici İşlər Nazirliyinin internet saytları kiberhücuma məruz qalmışdı. Ukrayna hücumun arxasında Rusiyanın olduğunu iddia etmişdi.
NATO-nun baş katibi Yens Stoltenberq NATO ekspertlərinin hücumdan sonra Ukrayna hakimiyyətini dəstəklədiyini ifadə edərək, “Yaxın günlərdə NATO və Ukrayna NATO-ya məxsus “zərərli proqram paylaşma platformasına” Ukraynanın çıxışını ehtiva edən genişləndirilmiş kiber əməkdaşlıq haqqında saziş imzalayacaq” bəyanatını vermişdi.
Bütün xəbərlər Facebook səhifəmizdə
USD
EUR
GBP
RUB