Siciliya adasında sel nəticəsində ölənlərin sayı artır

İtaliyanın Siciliya adasında sel fəlakəti nəticəsində ölənlərin sayı artıb.

SİA xəbər verir ki, adada 3 gündür davam edən leysan yağışları daşqınlara səbəb olub, çox sayda avtomobil sel suları altında qalıb.

Aralıq dənizində nadir rast gəlinən “Medicane” qasırğasından ən çox zərərçəkən Kataniya şəhərində 2 nəfərin cəsədi tapılıb. Şəhərdə bir çox ev və iş yeri işıqsız qalıb. Kataniya və ətraf şəhərlərdə məktəblər bağlanıb.

İtaliya Mülki Müdafiə Agentliyi Siciliya və Kalabriya bölgələrində hava şəraitinin yenidən kəskinləşəcəyi barədə xəbərdarlığını edib.

Kataniyanın bələdiyyə sədri Salvo Pogliese Siciliyanın şərq bölgələrində görünməmiş fövqəladə hava hadisəsinin yaşandığını, vəziyyətin ciddi olduğunu bildirib. O, əhalini zərurət olmadığı təqdirdə evdən çıxmamağa çağırıb.

Bütün xəbərlər Facebook səhifəmizdə