...Belə görünür ki, Rusiya Seulun NATO-nun PURL proqramına qoşulması perspektivindən narahat olub.
Qeyd edək ki, bu proqram Ukrayna ordusu üçün Amerika silahlarının alınmasını maliyyələşdirir.
...Və bundan sonra Kreml Cənubi Koreyaya qarşı təhdidlərə əl atıb..?
SİA-nın əldə etdiyi məlumata görə, bu barədə dialog.ua xəbər verir.
Rusiya Xarici İşlər Nazirliyinin sözçüsü Mariya Zaxarova Cənubi Koreyanın yuxarıda qeyd olunan proqrama qoşulacağı təqdirdə Rusiyanın "cavab asimmetrik tədbirlər" görməyə hazır olduğunu bildirib.
Onun açıqlaması Rusiya Xarici İşlər Nazirliyinin rəsmi media orqanlarında yer alır. Zaxarovanın sözlərinə görə, Seulun bu cür proqramlarda birbaşa və ya dolayı yolla iştirakı "münaqişənin həlli perspektivlərini azaldır".
O əlavə edib ki, belə bir halda Rusiya "asimmetrik xarakterli" tədbirlər də daxil olmaqla "cavab tədbirləri" hüququnu özündə saxlayır, lakin nəyə istinad etdiyini dəqiqləşdirməyib. Bir gün əvvəl Cənubi Koreya mediası diplomatik mənbələrə istinadən Seulun Kiyevi dəstəkləmək üçün müxtəlif variantları nəzərdən keçirdiyini bildirib.
Müzakirə olunan mexanizmlər arasında ABŞ-dan silahların alınmasını və sonradan Ukraynaya ötürülməsini nəzərdə tutan PURL təşəbbüsündə mümkün iştirak da var.
Rusiyanın Ukraynaya tammiqyaslı hücumundan sonra Cənubi Koreya rəsmi olaraq Kiyevə humanitar və digər qeyri-öldürücü dəstək göstərdi.
Eyni zamanda, Şimali Koreya Ukraynaya qarşı döyüşlərdə iştirak etmək üçün öz qoşunlarını Rusiya işğal ordusuna göndərdi və Rusiyaya sursat, raketlər və hərbi texnika tədarük etdi.
Əli Babayev
Bütün xəbərlər Facebook səhifəmizdə
.jpg)
.jpg "Bakıya qarşı gizli müharibə - DETALLAR")
USD
EUR
GBP
RUB