...Qlobal yarımkeçirici bazarında bir vaxtlar dominant olan Yaponiya, şaxələndirməyə və müttəfiqlərə güvənərək qlobal təchizat zəncirlərindəki əsas rolunu bərpa edir.
Ölkə artıq 1980-ci və 1990-cı illərdəki kimi çip istehsalını idarə etməsə də, materiallardan və kimyəvi maddələrdən çip istehsal avadanlıqlarına qədər vacib seqmentlərdə əvəzolunmaz oyunçuya çevrilib.
SİA-nın əldə etdiyi məlumata görə, bu barədə CEPA yazır.
Dönüş nöqtəsi 2010-cu ildə Çinin Yaponiyaya nadir torpaq metallarının ixracına embarqo qoyması ilə gəldi.
O dövrdə Tokio bu resursların təxminən 90 faizini Çindən alırdı.
Buna cavab olaraq hökumət və korporasiyalar uzunmüddətli "riskdən imtina" proqramına başladılar: Avstraliyanın Lynas Rare Earths şirkəti ilə tərəfdaşlıq, Malayziyada emalın genişləndirilməsi və alternativ təchizatlara investisiyalar...
2025-ci ilə qədər Çinin nadir torpaq metallarının Yaponiya idxalında payı təxminən 60 faizə düşmüşdü.
Eyni zamanda, Yaponiya əsas texnologiyalarda mövqeyini möhkəmləndirdi.
JSR, Shin-Etsu və Tokuyama EUV litoqrafiya kimyəvi maddələrində üstünlük təşkil edir, Shin-Etsu Chemical və SUMCO isə ən böyük silikon lövhə istehsalçıları arasındadır.
Yaponiyanın Tokyo Electron, Nikon və Canon şirkətləri qlobal yarımkeçirici istehsal avadanlığı bazarının təxminən 30 faizinə nəzarət edir.
Tokio həmçinin yerli istehsalı inkişaf etdirmək üçün tərəfdaşlar cəlb edir.
Hökumətin dəstəyi ilə Tayvanın TSMC şirkəti Kumamotoda zavod açıb, Toyota, Sony və SoftBank şirkətlərinin iştirak etdiyi layihə olan Rapidus startapı isə Hokkaydoda fabrik qurur və artıq IBM ilə 2 nm texnologiyalarını sınaqdan keçirir.
Bu uğurlara baxmayaraq, mühəndis çatışmazlığı və 32 milyard dollardan çox investisiya cəlb etmək ehtiyacı da daxil olmaqla bir sıra çətinliklər qalmaqdadır.
Buna baxmayaraq, ABŞ və Avropa getdikcə Yaponiyanı qlobal yarımkeçirici təchizat zəncirlərinin dayanıqlığını gücləndirməkdə və Çinlə əlaqəli riskləri azaltmaqda etibarlı müttəfiq kimi görürlər.
Əli Babayev
Bütün xəbərlər Facebook səhifəmizdə
.jpg "Kərimovlar nəsli Əli Kərimlinin həbsindən RAZI QALIB! - SENSASİON XƏBƏR!")
USD
EUR
GBP
RUB