...Avropada AB-nin dondurulmuş Rusiya aktivlərindən istifadə edərək Ukraynaya böyük bir kredit verməsini təsdiqləməsi üçün çağırışlar artır. Məsələn, Danimarkanın Baş naziri Mette Frederiksen, "lazım gələrsə", Belçika olmadan kredit planına səs verməyə hazır olduğunu bildirdi.
SİA-nın əldə etdiyi məlumata görə, bu barədə Bloomberg yazır.
O, bunu 27 ölkədən ibarət bir AB üzv dövlətinin "düzgün olanı bloklaya bilməməsi" ilə izah etdi.
...Baş verən hər şeyi nəzərə alsaq, Avropa xalqımızı qorumaq üçün lazımi qərarları verə bilməlidir. Mən daha çox istərdim ki, birlikdə bir həll yolu tapaq, amma vaxt azalır, - deyə ölkəsi AB-yə sədrlik edən Frederiksen Brüsseldə jurnalistlərə bildirib.
Bu arada, bu gün, 18 dekabrda Belçika parlamentində çıxışı zamanı Baş nazir Bart De Vever aktivlərin istifadəsi planının beynəlxalq hüququ poza biləcəyini və beynəlxalq bazarlarda avronu zəiflədə biləcəyini vurğuladı.
Onun sözlərinə görə, Rusiya Euroclear-da saxlanılan aktivlərə iddia etməyə davam edir, buna görə də müəyyən bir məqamda bu vəsaitləri geri qaytarmaq lazım gələ bilər.
Bu arada, Belçika ümumi borcun istifadəsi də daxil olmaqla, digər variantların da nəzərdən keçirilməli olduğunu bildirir. Lakin, şəxsi söhbətlərdə Aİ rəsmiləri qeyd edirlər ki, bunun üçün bütün 27 Aİ ölkəsinin yekdil razılığı tələb olunur ki, bu da siyasi cəhətdən mümkün deyil.
Almaniya kansleri Fridrix Merz qeyd edib ki, Rusiya aktivlərindən istifadə yeganə real seçimdir.
...Mənim fikrimcə, bu, həqiqətən də yeganə seçimdir. Nəticədə, biz bir seçimlə qarşılaşırıq: Avropa borcundan və ya Rusiya aktivlərindən Ukrayna üçün istifadə etmək. Və mənim fikrim aydındır: biz Rusiya aktivlərindən istifadə etməliyik!,- deyə o, təkid edib.
17 dekabrda Brüsseldə çıxışı zamanı Avstriyanın Baş naziri Kristian Ştoker Ukraynanın maliyyələşdirilməsi ilə bağlı həll yolunun sammitdə tapılacağına əminlik verib.
Lakin o, Belçikanın da bu qərarı verməli olduğu barədə xəbərdarlıq edib.
...Belçika olmadan bu, qəbul edilə bilməz və edilməməlidir. Siyasətçi bildirib ki, istənilən həll yolu Belçikanı əhatə etməlidir.
Əli Babayev
Bütün xəbərlər Facebook səhifəmizdə
.jpg "Kərimovlar nəsli Əli Kərimlinin həbsindən RAZI QALIB! - SENSASİON XƏBƏR!")
USD
EUR
GBP
RUB