...İlkin məlumatlara görə, 18 dekabrda Rusiyanın Rostov vilayətindəki strateji obyektlərə edilən dron hücumu nəticəsində Valeri Qorçakov tankeri zədələnib.
SİA xəbər verir ki, Dialog.UA-nın məlumatına görə, bu barədə Rusiya və Ukrayna Telegram kanalları bildirib.
Telegram kanallarının məlumatına görə, Valeri Qorçakov tankeri Rostov-na-Donu limanında olub və orada dron zərbəsi alıb.
Rostov vilayətinin qubernatoru Yuri Slyusar artıq 18 dekabr gecəsi Rostov limanına dronların hücum etdiyini təsdiqləyib. O, dron hücumunun yük gəmisində yanğına səbəb olduğunu, lakin hansı gəmi olduğunu dəqiqləşdirmədiyini bildirib.
O, həmçinin gəmidə olan iki heyət üzvünün öldüyünü və daha üç nəfərin yaralandığını da deyib.
Bundan əlavə, Yuri Slyusar Telegram kanallarında 18 dekabr gecəsi Rostov vilayətindəki müxtəlif strateji obyektlərə dronların hücum etməsi barədə əvvəlki məlumatları təsdiqləyib.
Qeyd edək ki, "Valeri Qorçakov" tankeri 1969-cu ildə inşa edilib, lakin əvvəlcə quru yük gəmisi olub. 2004-cü ildə neft tankerinə çevrilib. Bu, qarışıq çay-dəniz naviqasiyası üçün nəzərdə tutulmuş Volqa-Don tipli çay gəmisidir. Tanker Kremlin Ukraynaya qarşı müharibəsini davam etdirmək üçün istifadə etdiyi neft və neft məhsulları daşıyırdı və bu da onu Ukrayna Silahlı Qüvvələri üçün qanuni hədəfə çevirirdi.
Əli Babayev
Bütün xəbərlər Facebook səhifəmizdə
.jpg "Kərimovlar nəsli Əli Kərimlinin həbsindən RAZI QALIB! - SENSASİON XƏBƏR!")
USD
EUR
GBP
RUB