...Bu gün Avropa Komissiyası növbəti on il ərzində daha təmiz avtomobil mühərriklərinə keçid planında dəyişiklik etdiyini rəsmi olaraq elan etdi.
Avropa avtomobil bazarının aparıcı oyunçularının çoxsaylı çağırışlarından və lobbiçilik fəaliyyətlərindən sonra Aİ hakimiyyəti əvvəllər 2035-ci ildə təqdim edilməsi planlaşdırılan daxili yanma mühərrikli (ICE) yeni avtomobillərin qadağan edilməsi planlarından imtina etdi.
SİA-nın məlumatına görə, Avropa Komissiyası indi bildirir ki, "2035-ci ildən başlayaraq avtomobil istehsalçıları 90 faiz tullantıların azaldılması hədəfinə çatmalı, qalan 10 faiz isə Aİ-də istehsal olunan aşağı karbonlu poladdan və ya elektrikli nəqliyyat vasitələri və bioyanacaqlardan istifadə etməklə kompensasiya edilməlidir. Bu, hibrid və yanma mühərrikli nəqliyyat vasitələrinin 2035-ci ildən sonra da tam elektrikli (EV) və hidrogenli nəqliyyat vasitələrinə əlavə olaraq rol oynamağa davam etməsinə imkan verəcək".
Avtomobil sənayesi üçün bu yüksək həssas məsələ ilə bağlı Aİ-nin yenidən işlənmiş mövqeyi artıq avtomobil istehsalçıları tərəfindən müsbət qarşılanıb.
Volkswagen Avropa Komissiyasının qərarını alqışlayaraq bildirib ki, "tullantıları kompensasiya edərkən bazarı yanma mühərrikli nəqliyyat vasitələrinə açmaq praqmatik bir qərardır və bazar şərtlərinə uyğundur".
Nazlı Almuradova
Bütün xəbərlər Facebook səhifəmizdə
USD
EUR
GBP
RUB