''Həmas''a tabe olan Qəssam Briqadaları və digər müqavimət strukturları oktyabrın 7-də İsrailə qarşı əməliyyat başlatdı. İsrail ilk növbədə Qəzza zolağına havadan zərbələr endirdi daha sonra isə bölgənin şimalını qurudan işğal etdi. Burada İsrailə qarşı müqavimət davam edərkən İsrail rəsmiləri bölgənin cənubuna qurudan hücum ediləcəyi ilə bağlı açıqlama verdi. İsrailin son məqsədi Qəzzanı yaşayış üçün yararsız hala gətirməkdir. SİA bu barədə Tükiyə saytlarına istinad edir.
''Əqsa tufanı'' adlandırılan əməliyyat nəticəsində İsrail ordusuna ciddi zərbə endirildi. Qəzza zolağı ətrafındakı hərbi bazalar fələstinlilər tərəfindən ələ keçirildi və Qəzzadan daha böyük olan yaşayış məntəqəsi nəzarətə götürüldü.
İsrail bir müddət sonra hücuma ağır cavab verdi. Birbaşa mülki əhalini hədəf alan hava hücumları ilə qətliam törətməyə başladı. Bölgəni Şimal və Cənub hissələrə böldü və daha sonra Şimal bölgəsini işğal etdi. İsrail ''Həmas''ı hədəf aldığını iddia etsə də, həyata keçirdiyi hərbi əməliyyat tərzi, mülki şəxsləri və tikililəri hədəfə alması, mühasirəni daha da gücləndirməsi və hətta su ilə ərzaq çıxışını məhdudlaşdırması bu ölkənin Qəzzanı yaşayış üçün yararsız hala gətirərək burada kütləvi soyqırımı hədəflədiyini göstərir. Şimal bölgəsindən sonra cənuba doğru işğal cəhdi bu vəziyyəti gücləndirəcək. İsrailin Qəzza bölgəsinə hücumları davam edərkən, münaqişənin geosiyasi və regional təsirləri dә davam edir.
Münaqişənin ilk dövründə Hizbullahın yeni cəbhə açıb-açmayacağı və müharibənin regional xarakter alacağı bəlli olmasa da, İranın təsiri altında hərəkət edən Hizbulah və digər qrupların hazırda bu istiqamətdə hərəkət etmədiyi müşahidə olunur.
Hizbullah İsrail-Livan sərhədində aşağı intensivlikdə İsraili hədəf alarkən, İraq və Suriyadakı şiə milisləri ABŞ bazalarını hədəf almaqda davam edir. Lakin əsl sürpriz addımlar Yəməndəki Ənsarullah hərəkatı tərəfindən atıldı. Husilər İsrailə birbaşa müharibə elan etdiklərini açıqladı və Qırmızı dənizdə İsrail gəmilərinə hücum etməyə başladı. ABŞ Hərbi Dəniz Qüvvələrinə məxsus döyüş gəmiləri buna müdaxilə etməyə çalışır.
İsrailin Qəzzanın cənubunu işğal etməsi və mülki vətəndaşları Sinay səhrasına sürgün etməsi ilə Misirin işə qarışması və ərəb blokunu İsrailə qarşı hərəkətə keçməyə məcbur etməsi mümkün ola bilər. Bu halda müxtəlif siyasi və iqtisadi sanksiyalar tətbiq oluna bilər.
Bütün xəbərlər Facebook səhifəmizdə
.jpg "Özcan Deniz Bakıda sevənlərinə qovuşdu!")
.jpg "Mehdiyevdən sonraki qurbanlar KİMLƏRDİR? - HAMINI ŞOKA SALAN MƏLUMAT!")
USD
EUR
GBP
RUB