Cüdoçularımız Dünya çempionatında mübarizə aparacaq

10-13 avqust tarixlərində Ekvadorun Quayaquil şəhərində gənclər arasında Dünya çempionatı keçiriləcək. SİA-nın ACF-yə istinadən məlumatına görə, 65 ölkədən 400-ə yaxın idmançının qatılacağı yarışda Azərbaycanı 8 idmançı təmsil edəcək. İdmançılarımız 5 çəki dərəcəsində medallar uğrunda yarışacaqlar.
10 avqustda -60 kq. çəkidə Turan Bayramov, 11 avqustda -73 kq. çəkidə Vüsal Qələndərzadə və Qadir Hüseynov, 12 avqustda -81 kq. çəkidə Elcan Hacıyev və Məhərrəm İmamverdiyev, -90 kq. çəkidə Vüqar Talıbov, 13 avqustda isə -100 kq. çəkidə Ruslan Nəsirli və +100 kq. çəkidə Kənan Nəsibov tatamiyə çıxacaq.

Cüdoçularımız baş məşqçi Elxan Məmmədov və məşqçi Elxan Rəcəblinin rəhbərliyi altında çıxış edəcək.

Bütün xəbərlər Facebook səhifəmizdə

loading...