Peşəkar boksçusumuz Məhəmmədrəsul Məcidov ikinci döyüşündə texniki nokautla qalib gəlib

Azərbaycanın peşəkar boksçusu Məhəmmədrəsul Məcidov ikinci döyüşünü keçirib.

SİA xəbər verir ki, həvəskarlar arasında üçqat dünya çempionumuz peşəkar rinqdə ikinci görüşündə Böyük Britaniya təmsilçisi Tom Littl ilə üz-üzə gəlib.

Superağır çəkidəki döyüş Səudiyyə Ərəbistanının “Diriyah Arena” idman kompleksində keçirilib. İlk qarşılaşmasında amerikalı Ed Fonteynə nokautla qalib gələn boksçumuz bu dəfə də erkən qələbə qazanıb.

33 yaşlı M.Məcidov 8 raundluq döyüşü ikinci hissədə yekunlaşdırıb. 32 yaşlı böyük britaniyalı texniki nokauta düşdüyündən döyüş davam etdirilməyib.

Bütün xəbərlər Facebook səhifəmizdə

loading...