YAP-ın komandası mini futbol turnirinin qalibi oldu - FOTOREPORTAJ

Bu gün Olimpiya Ehtiyatları İdman Məktəbinin stadionunda 15 – İyun Milli Qurtuluş Gününə həsr olunmuş mini futbol turniri keçirilib. SİA-nın məlumatına görə, turnir Yeni Azərbaycan Partiyası və Futbol Veteranları İttifaqının birgə təşkilatçığı ilə baş tutub.

Məlumat üçün bildirək ki, turnirdə 4 komanda - YAP, \"Neftçi Veteranları\", SəsTv və \"Jurnalistlər Birliyi\" mübarizə aparıb.

Paralel keçirilən oyunlarda YAP futbolçuları \"Neftçi Veteranları\" ilə, SəsTv komandası isə, \"Jurnalistlər Birliyi\" ilə qarşılaşıb. Final uğrunda gərgin keçən SəsTv - \"Jurnalistlər Birliyi\" görüşü (3:3 ) heç-heçə başa çatıb. Oyundan sonra qalibi müəyyən etmək üçün qapılara 3 penaltı zərbəsi təyin olunub. Lakin, bu dəfə qalib tərəf Səs TV komandası olub (6:5).

Qeyd edək ki, bu qarşılaşma ilə paralel keçirilən YAP – \"Neftçi Veteranları\" görüşündə isə qalib təyin olunmuş vaxtda məlum olub. Belə ki, YAP komandası \"Neftçi Veteranları\" üzərində 8:4 hesabı ilə qələbə qazanıb.

Daha sonra turnirin qalibi uğrunda YAP futbolçuları ilə SəsTv komandaları yarışıb. İlk hissə 5:0 hesabı ilə Yeni Azərbaycan Partiyası komandasının üstünlüyü ilə başa çatıb. Ancaq, ikinci hissədə oyunun gedişatında dəyişiklik etməyi bacaran SəsTv komandası YAP-ın qapısından 3 top keçirməyə müvəffəq ola bilib. Cavabında isə, rəqib komanda eyni sayda topu SəsTv-nin qapısından keçirib (8:3).

Beləliklə, 15 – İyun Milli Qurtuluş Gününə həsr edilmiş mini futbol turnirinin qalibi Yeni Azərbaycan Partiyasının komandası olub. İkinci yerə SəsTv, 3-cü yerin sahibi \"Jurnalistlər Birliyi\", 4-cü yeri isə \"Neftçi Veteranları\" əldə edib.

Oni da əlavə edək ki, bundan sonra turnirin mükafatlandırma mərasimi keçirilib. Qaliblərə hədiyyələr və kubok təqdim olunub.

Bütün xəbərlər Facebook səhifəmizdə

loading...