Dağlıq Qarabağ nizamlanması çərçivəsində nəqliyyat və iqtisadi əlaqələrin blokdan çıxarılması çox yaxın gələcəyin reallığıdır. SIA xəbər verir ki, bunu Rusiya Dövlət Dumasının beynəlxalq məsələlər üzrə komitəsinin sədri Leonid Slutski bölgədəki bütün dövlətlər üçün nəqliyyat və iqtisadi əlaqələrin açılmasının vacibliyini, həmçinin, minalanmış ərazilərin xəritələrinin təhvil verilməsi məsələsi də daxil olmaqla Qarabağ nizamlanmasının humanitar aspektlərini Moskva-Bakıya şərh edərkən deyib.
“Bu qanlı qarşıdurmanın on illərdir davam etdiyi aydındır. İndi isə bölgəni iqtisadi cəhətdən inkişaf etdirmək, əhalinin sosial problemlərini həll etmək lazımdır və bu, əlbəttə ki, kifayət qədər məcburi vəziyyətdir, eyni zamanda bütün bunların bir anda mümkün olmadığını mükəmməl başa düşürük. Rusiya, Azərbaycan, Ermənistan liderlərinin ardıcıl üçtərəfli bəyanatları ilə təmin edilən nəqliyyat və iqtisadi əlaqələrin qarşısını almaq mümkün deyil. Düşünürəm ki, bu işlər mərhələli və təcricən baş verəcəkdir və iqtisadi əlaqələr canlanacaq. Bu, parlament səviyyəsində, Rusiya, Azərbaycan, Ermənistan arasında istənilən məsləhətləşmələrin mövzusudur. Əlbətdə, bölgənin digər dövlətləri- həm Türkiyə, həm də İran- 1980-ci illərin sonlarından bəri davam edən və çox uzun sürən Qarabağ münaqişəsinin sona çatmasını alqışlayır.
Əminəm ki, Rusiya, eləcə də region ölkələrinin liderləri, davamlı qarşılıqlı fəaliyyətində nəqliyyat və iqtisadi əlaqələrin bərpa edilməsinə dair razılaşmaların həyata keçirilməsinin yollarını tapa biləcəklər və bu, hətta gələcəyə aid bir məsələ də deyi, bu, bu günün məsələsidir. Artıq məsləhətləşmələr aparılır, bölgədə nəqliyyat və iqtisadi əməkdaşlığın davamlı olaraq bərpa edilməsi mexanizmi barədə razılaşmalar əldə edilir. Bu asan olmayacaq, amma düşünürəm ki, bunun öhdəsindən gələ biləcəyik və əlbətdə ki, bu, çox yavaş-yavaş baş verəcəkdir. Ancaq əlbəttə ki, bu bazadır, bu, ilk növbədə bölgədəki iqtisadi əməkdaşlığın, daha sonra humanitar və digər hər hansı bir işin təməlidir. Əlbəttə, bu cəhətdən, regiondakı nəqliyyat və iqtisadi əlaqələrin blokdan çıxarılmasının çox yaxın gələcəyin reallığı olduğunu düşünürəm"- Dumanın komitə sədri bildirib.
Bundan əlavə, Leonid Slutski Moskvanın Ermənistandakı seçkilərin Qarabağ nizamlanmasına dair üçtərəfli bəyanatların icrası üçün əlavə bir stimul olacağını gözlədiyini deyib.
Dövlət Duması Komitəsinin sədri, "Ən başlıcası, geri dönmə nöqtəsinin keçilməsidir. Böhran həll edildi, Rusiya sülhməramlıları bölgədəki sülhü etibarlı şəkildə qoruyur"- o vurğulayıb.
Elçin
Bütün xəbərlər Facebook səhifəmizdə
USD
EUR
GBP
RUB