Siyasi qüvvələr seçki kampaniyasından, xüsusilə müharibədən sonrakı dövrdə yalnız təbliğat vədləri vermək və seçicilərə rəqiblərindən üstün olduqlarını vurğulamaq üçün istifadə etməməlidirlər. SİA Ermənistana məxsus mətbuat səhifələrində yayımlanan məlumatlara istinadən xəbər verir ki, bunu “Vətən” partiyasının lideri, Milli Təhlükəsizlik Xidmətinin keçmiş direktoru Artur Vanesyan, rəhbərlik etdiyi partiyanın da daxil olacağı "Mənim Qürurum Var" seçkiqabağı ittifaqının yaradılması barədə bir memorandum imzalama mərasimində söyləyib.
“Anlamalıyıq ki, həmvətənlərimizin əhəmiyyətli bir hissəsi bu gün yas tutur və bu məsələdə, xalq, ziyalı təbəqəsi, siyasi elita olmaqla hər birimizin öz günah payı var.
Hər birimizin səhvləri və günahları nəticəsində Ermənistanı məhv edilə biləcək, hər şeyi məhv edən bir qüvvə hakimiyyətə gəlib. Həqiqi dövlətçilik itkisi, üstəlik fiziki məhv olma təhlükəsi ilə qarşılaşdığımızı anlamalıyıq. Bunun canlı təsdiqi, rəqib, düşmən tərəfin qoşunlarının ərazilərə maneəsiz bir şəkildə daxil olmasıdır.
Bu təhlükəni təsirsiz hala gətirmək üçün yalnız bir fürsət var və xalqın bütün bacarıq və imkanlarını birləşdirmək, fədakarcasına və ardıcıl şəkildə işə başlamaq zamanıdır”, deyə Vanesyan bildirib.
Rodina partiyasının liderinə görə, mövcud hökumət manipulyasiyaları ilə cəmiyyəti parçalamağı, “qara” və “ağ”, “keçmiş” və “yeni” kimi bölməyi bacardı və bu, ən ciddi siyasət üsullarından biridir.
“Bu, bir heçliyə aparan yoldur. Bu artıq davam edə bilməz”, deyə Milli Təhlükəsizlik Xidmətinin keçmiş direktoru vurğulayıb.
O, xüsusilə qeyd edib ki, xalqın əyilmiş belini düzəltməyin və işə başlamağın vaxtı gəlib.
Xatırladaq ki, Ermənistan tərəfinin təxribatlarının fonunda başlayan və 44 gün davam edən İkinci Qarabağ Müharibəsinin məntiqi nəticəsi olaraq, Ermənistan məğlubiyyətlə qarşılaşdı və bu məğlubiyyəti erməni baş nazir Nikol Paşinyan kapitulyasiya sənədini imzalamaqla təsdiqlədi. Diqqətə çatdıraq ki, elə həmin məğlubiyyət sənədinin imzalanmasından bu zamana qədər Ermənistanda siyasi qalmaqallar bir-birini əvəz edir, bu ölkədə etirazlar, hətta qarşıdurmalar günün reallığına çevrilib. Nəzərə çatdıraq ki, bütün bu siyasi mübarizələrin fonunda hələ də öz balalarını səbəbsiz yerə itirən erməni analarının, itgin düşən hərbçi valideyinlərinin həqiqətən də beli bükülüb və dərd içində inləyirlər. Təkcə hərbçi valideynləri, qohumları deyil, bütövlükdə müharibənin məğlubiyyət acısını, rüsvayçı məğlubiyyət xəcalətini belində daşıyan erməni xalqının də beli bükülüb. Heç şübhəsiz ki, Artur Vanesyan xalqın əyilmiş belini düzəltməyin zamanı çatıb dedikdə, yeni hakimiyyət komandası seçməklə bu rüsvayçılıqdan, bu xəcalətdən xalqı qismən də olsa xilas etmək mümkün olacağı qənaətindədir. Amma, erməni xalqı bilməlidir ki, düşmənçilik toxumu səpməklə, düşmənçilik, işğalçılıq, terrorçuluq siyasəti yürütməklə, qisas hissi ilə yaşamaqla nə belləri düzələn deyil, nə də problemdən çıxış yolu tapa bilməyəcəklər.
Bütün xəbərlər Facebook səhifəmizdə
USD
EUR
GBP
RUB