\"İctimai Palata\" adlandırılan qurumun bu il aprelin 2-də keçirdiyi icazəsiz aksiya ilə bağlı Bakı şəhər prokurorluğunda Cinayət Məcəlləsinin 233 və 315.1-ci maddələri ilə başlanmış cinayət işinin istintaqı davam etdirilir. Bakı şəhər prokurorluğunun mətbuat xidmətinin rəhbəri Ramiz Rzayev SİA-ya açıqlamasında bildirib ki, istintaqın tam və obyektivliyini təmin etmək məqsədilə çoxsaylı şahidlər dindirilib, üzləşdirmələr aparılıb, müxtəlif xarakterli ekspertizalar keçirilib, zərərçəkmiş şəxslərin dairəsi, hüquqi, və fiziki şəxslərə vurulmuş ziyanın həcmi müəyyənləşdirilib, toplanmış sübutlar əsasında icazəsiz aksiyanın keçirilməsini təşkil və rəhbərlik etmiş şəxslər də daxil olmaqla, cinayətin törədilməsində xüsusi fəallığı ilə fərqlənən 14 şəxs cinayət məsuliyyətinə cəlb edilib.
Belə ki, həmin şəxslərin bir qrupu barəsində istintaq yekunlaşmaq üzrədir. Onların barəsində yaxın vaxtlarda istintaqın tamamlanması və cinayət işinin ayrıca icraata ayrılaraq baxılması üçün məhkəməyə göndərilməsi nəzərdə tutulur.
Ramiz Rzayev vurğulayıb ki, aksiyanın keçirilməsinin təşkilində iştirak etmiş və cinayətdə fəallığı ilə seçilən digər şəxslərin də müəyyən edilməsi istiqamətində istintaq-əməliyyat tədbirləri davam etdirilir.
Bütün xəbərlər Facebook səhifəmizdə
USD
EUR
GBP
RUB