Türkiyə sona qədər Azərbaycanın yanındadır - Mustafa Şəntop

Regionda sülhün və sabitliyin təmin edilməsi üçün Ermənistan işğal etdiyi Azərbaycan torpaqlarından çıxmalıdır. Bundan başqa bütün təkliflər Ermənistanı şımartmağa davam edəcək. SİA-nın məlumatına görə, bunu Türkiyə Böyük Millət Məclisinin (TBMM) sədri Mustafa Şəntopla bu gün Milli Məclisin plenar iclasında çıxışı zaman deyib.

M.Şentop bildirib ki, BMT Təhlükəsizlik Şurasının Ermənistan qoşunlarının işğal edilmiş Azərbaycan ərazilərindən çıxarılması ilə bağlı qətnamələri uzun illərdir yerinə yetirilmir. O bildirib ki, Minsk qrupu münaqişənin tənzimlənəsi üçün heç bir gerçək iradə göstərmədi.

M.Şentop qeyd edib ki, Ermənistan Azərbaycana qarşı yeni təxribatlara əl atdı: “Lakin Ermənistan gözləmədiyi bir vəziyyətlə üzləşdi. Qəhrəman Azərbaycan ordusu torpaqların işğaldan azad edilməsinə başladı. Bəzi dövlətlər isə Azərbaycanı bu haqq işində günahlandırmağa başladı. Azərbaycan öz ərazilərini beynəlxalq hüquqa əsasən öz torpaqlarını işğaldan azad etməyə başladı. Heç kim Azərbaycanı bu haqq işindən çəkindirə bilməz və Azərbaycan torpaqları üzərindən öz məqsədlərini həyata keçirə bilməzlər. Türkiyə sona qədər Azərbaycanın yanındadır”.

Müəllif: Aysel Məmmədova

Bütün xəbərlər Facebook səhifəmizdə

loading...