"Sentyabrın 22-də İranın Azərbaycandakı səfiri Azərbaycanı tərk edəcək". SİA-nın məlumatına görə, bunu İranın Azərbaycandakı səlahiyyət müddəti başa çatan səfiri Möhsün Pakayin bu gün keçirdiyi mətbuat konfransında deyib.
O səfir olduğu müddətdə İran ilə Azərbaycan əlaqələrinin inkişafından danışıb: "Səfir olduğum müddətdə iki ölkə ararsında qarşılıqlı etimadın artırılması istiqamətində xeyli işlər görülüb və qarşılıqlı əlaqələr inkişaf edib. Bu gün İran ilə Azərbaycan arasında ikitərəfli münasibətlər yüksək səviyyədədir. Bu müddətdə İran prezidentləri 3 dəfə Azərbaycana və Azərbaycan Prezidenti İlham Əliyev iki dəfə İrana səfər edib".
M.Pakayin deyib ki, onun səfir olduğu müddətdə iki ölkə arasnda 50-ə yaxın sənəd imzalanıb. Səfir bu müddət ərzində iki ölkə arasında iqtisadi əlaqələrin də inkişaf etdiyini bildirib.
O qeyd edib ki, İran ilə Azərbaycan arasında aviareyslərin sayı artıb. Naxçıvan-Məşəd qatarının yaxın vaxtlarda işə düşəcəyini bildirən səfir bunun iki ölkə arasında əlaqələrin daha da inkişaf etməsinə səbəb olacağını deyib
Səfir medianın da rolunu yüksək qiymətləndirib. O bildirib ki, media ilə sıx əlaqələr sayəsində Azərbaycan ilə İran arasında münasibətləri korlamağa çalışan xarici qüvvələrin təbliğatı zəiflədilib.
M.Pakayin Azərbaycan və Azərbaycan xalqı üçün darıxacağını diqqətə çatdırıb: "Mən Azərbaycanda qəriblik hiss etmədim, özümü öz ölkəmin xalqı arasında hiss etdim. Din, mədəniyyət və digər sahələrdə bir - birimizə çox yaxınıq".
Bütün xəbərlər Facebook səhifəmizdə
USD
EUR
GBP
RUB