Politoloq qeyd edib ki, bu cür təşkilatlar milli dövlətin daxili işlərinə qarışmağı, xalqın siyasi iradəsinin təmsilçisi olan milli hakimiyyəti şantaj etməyi bir nov özlərinə peşə ediblər: "Beləliklə də qlobal dəyərləri və beynəlxalq hüququ gözdən salıblar. Avropa Parlamentin prezidenti Martin Şultsun Leyla və Arif Barsaqyanlarla bağlı verdiyi bəyanat Azərbaycana qarşı qərəzli bəyanatdır və məqsəd milli iradənin təmsilçisi olan hakimiyyətə təzyiq etməklə Azərbaycanın milli maraqlarından güzəştə məcbur etməkdir. Bu isə mümkün deyil. Çünki Azərbaycan xalqı Leyla və Arif Barsaqyanların ermənilərlə, anti-Azərbaycançı mərkəzlərlə ölkəmizə qarşı əməkdaşlıq etdiyini yaxşı bilir. Bu məsələ məhkəmə vasitəsilə də öz təsdiqini tapıb. Martin Şultsu da narahat edən görünür elə budur".
Hikmət Babaoğlu onu da qeyd edib ki, Şults doğrudan da təmsil etdiyi qurumun elan etdiyi prinsiplərə, yəni insan hüquq və azadlıqlarının, demokratiyanın müdafiəçisi olmaq prinsiplərinə sadiq olduğunu isbat etmək istəyirsə, dərhal Azərbaycan məhkəməsinin ədalətli qərar çıxardığını bəyan etməlidir: "Hətta məhkmənin bir qədər humanist olduğunu deməlidir. Çünki Şultsun ölkəsində milli maraqları satan adamları ömürlük həbs edirlər. Azərbaycanın öhdəliklərinə gəldikdə isə biz bu öhdəliklərimizə sadiqik. Yaxşı olar ki, Şults Azərbaycanın ərazi bütövlüyünü tanıyan BMT dən Təhlükəsizlik Şurasının qəbul etdiyi qərarlarla bağlı öhdəçiliyini yerinə yetirməyi tələb etsin".
İntizarə Məmmədova
Bütün xəbərlər Facebook səhifəmizdə
USD
EUR
GBP
RUB