ATƏT Parlament Assambleyasının (PA) Daimi Komitəsinin İsraildən olan üzvlərindən ibarət nümayəndə heyəti və İsrailin Azərbaycandakı fövqəladə və səlahiyyətli səfiri Rafael Harpaz Demokratik İslahatlar Partiyasının mənzil-qərargahını ziyarət ediblər. SİA-nın məlumatına görə, israilli qonaqlarla partiya sədri Asim Mollazadənin görüşündə Azərbaycanla-İsrail arasındakı münasibətlər, ATƏT PA və digər beynəlxaq qurumlarda əməkdaşlıq, Azərbaycandakı ictimai-siyasi vəziyyət, Ermənistan-Azərbaycan, Dağlıq Qarabağ münaqişəsinin həlli yolları, regiondakı proseslər, enerji və təhlükəsizlik məsələləri müzakirə olunub.
Asim Mollazadə qonaqlara partiyanın fəaliyyəti barədə ətraflı məlumat verib.
Qeyd edək ki, görüşdə iştirak edən nümayəndə heyətinin tərkibində Knessetin ATƏT PA-dakı nümayəndə heyətinin rəhbəri David Tsur, deputat Boaz Toporovski, İsrailin beynəlxalq təşkilatlar üzrə daimi missiyasının siyasi məsləhətçisi Marina Verler olub.
Bütün xəbərlər Facebook səhifəmizdə
USD
EUR
GBP
RUB