Azərbaycanda 9 oktyabr prezident seçkiləri şəffaf və demokratik şəraitdə başa çatdı. Hər bir namizədə eyni şərait yaradıldı və təbliğat-təşviqat üçün eyni yer müəyyənləşdirildi, söz demək üçün hər cür şərait yaradıldı. Yaradılan demokratik secki mühütündə xalqın secimi yenə də Cənab İlham Əliyev oldu. Xalq yenə də Ulu Öndər Heydər Əliyev siyasi kursunun layiqli davamcısı Cənab İlham Əliyevə səs verdi. Söhbət etdiyimiz şəhər sakinləri, siyasi ekspertlər Cənab İlham Əliyevə olan inam və etibarı Onun xalqa, dövlətə xeyrli, gərəkli fəaliyəti ilə əlaqələndirdilər.
YAP İcra katibinin müavini, millət vəkili Mübariz Qurbanlı:
- Azərbaycanda demokratik, şəffaf şəraitdə prezident seckilərinin baş tutması bir daha ölkəmizin hüquqi, demokratik ənənələrə sədaqətinin nümunəsi idi. Xalq Yeni Azərbaycan Partiyasının namizədi Cənab İlham Əliyevə etimadının, inamının təcəssümü olaraq Ona səs verdilər. Bunu xarici müşahidıçilərin rəyləri də təsdiq edir. Bütün dünya siyasətçiləri Cənab İlham Əliyev təcrübəsinin, zəkasının, biliyinin, savadının və fiziki qüvvəsinin şahididirlər. Bunun nəticəsidir ki, Azərbaycanın dünya arenasında nüfuzu getdikcə artmaqdadır. Ümumiyyətlə, Cənab İlham Əliyev Azərbaycan dövlətinin inkişaf etməsi, tərəqqisi üçün bir çox müsbət layihələrə imzasını atıb. Bunun nəticəsi xalqın gözü önündədir. Qazanılan nailiyyətlər xalqımızı daha böyük qələbələrə, zəfərlərə ruhlandırır.
"Milli Şura"nın namizədi olan Cəmil Həsənlinin müşahidəçilərinin seçki ilə bağlı qərəzli fikirlər səsləndirmələri və təxribatlar törətmələri seçkinin demokratikliqinə kölgə salmaq məqsədi daşıyır. Bu uğursuzluğa dücar olmuş və sosial bazasını tam itirmiş qrupların əl atdığı sonuncu şans idi. Müxalifət təmsilçilərinin bu cür hərəkətləti bir daha onların məğlubiyyətə düçar olduqlarının göstəricisidir.
- Həm Azərbaycan xalqı, həm də dünya dövlətləri Cənab İlham Əliyevin Prezident kimi 10 il ərzində xalqı və dövləti üçün gördüyü işləri yüksək səviyyədə dəyərləndirir. Keçirilən seçkilər bütün seçki məntəqələrində yüksək seçici əhval ruhiyyəsi, fəallığı ilə fərqlənirdi. Şəxsən müşahidə etdiyim seçki məntəqələrində bütün işlər çox yüksək səviyyədə təşkil olunmuşdu. Seçki Məsəlləsinin bütün tələblərinə uyğun olaraq bütün işlər öz qaydası ilə gedirdi. Məntəqələrdə vətəndaşların səs verməsi üçün, onların qeydiyyata alınması, öz səslərini verməsi üçün bütün şərait yaradılmışdı. Seçki məntəqələrinin hər birində seçki qutuları mühafizə olunurdu. Seçki prosesində heç bir qanun pozuntusuna rast gəlinmədi. Xalqımız səsini verərək öz gələcəyinə, övladlarının gələcəyinə səs vermiş oldu.
Millət vəkili Məlahət İbrahimqızı:
- Keçirilən prezident seçkiləri azad və demokratik seçki şəraitində keçirildi. Yəni, hər bir Azərbaycan vətəndaşı seçki məntəqəsində sərbəst şəkildə seçimini edərək öz səsini verdi. Bu seçki Azərbaycan dövlətinin çox gözəl bir seçki təşkilatçılığı ilə keçirildi. Xalq bir daha Cənab İlham Əliyevə inam və etimadını göstərdi. Ulu Öndər Heydər Əliyev siyasi kursunun layiqli varisi Cənab İlham Əliyevin yenidən Prezident seçilməsinə dəstək verməklə iqtisadi inkişafa, sülhə və əmin-amanlığa səs vermiş oldular. Növbəti 5 ildə Azərbaycan Prezident İlham Əliyevin rəhbərliyi ilə daha da inkişaf edəcək, xalqımızın sosial-iqtisadi durumu bir qəldər də yaxşılaşacaq.
- Azərbaycanda möhtərəm Prezidentimiz İlham Əliyevin son 10 ildə həyata keçirdiyi daxili və xarici siyasət ölkəmizin gündən-günə daha da inkişafına, cəmiyyətimizdə demokratik mühitin dərindən formalaşmasına və insanların seçkilərdə fəal iştirakına səbəb oldu. İnsanlar Cənab Prezidentimizin fəaliyyətini dəstəklədiklərini seçkilərdə fəal iştirakları ilə bildirdilər və çox aktiv bir şəkildə 9 oktyabr prezident seçkilərində iştirak etdilər. Əsası Ulu Öndər Heydər Əliyev tərəfindən qoyulan siyasətin Prezidentimiz İlham Əliyev tərəfindən uğurla davam etdirilməsi Azərbaycanımıza möhtəşəm uğurlar gətirdi. Azərbaycanda görülən bütün işlərdə, uğurlu layihələrdə xalqımız möhtərəm Prezidentimizi dəstəkləyir. Seçicilərin fəal və mütəşəkkil şəkildə seçkilərdə iştirakı ölkəmizdə demokratiya mühitinin olmasından xəbər verir. Beynəlxalq təşkilatların müşahidəçiləri də seçkilərin şəffaf, heç bir saxtakarlıq olmadan keçirildiyini bildirdilər. Cəmiyyət inkişaf etdikcə, demokratiya da inkişaf edir. Azərbaycan artıq 20 ilə yaxındır ki, müstəqil, dünyəvi və hüquqi bir dövlətdir. Müxalifətin məğlubiyyətinə gəlincə isə, onlar hər dəfə öz məğlubiyyətlərini əsaslandırmaq üçün boş-boş, sərsəm bəyanatlar verirlər. Amma düşünmürlər ki, məğlubiyyəti də etiraf etmək demokratiyanın ən yüksək dəyərlərindən biridir. Ona görə də, boş-boş danışan dağıdıcı müxalif qruplara fikir verməməli, Cənab Prezidentimiz İlham Əliyevin ətrafında sıx birləşməliyik. Azərbaycan gündən-günə gözəlləşir, vətənimizə gələn əcnəbi vətəndaşlar ölkəmizin gözəlliyinə heyran olurlar. Qarşıdan gələn növbəti 5 ildə də həyata keçirilən uğurlu layihələrimiz daha da çox olacaqdır.
Yazıçı, publisist Əkbər Qoşalı:
- Təbii ki, dünən keçirilən prezident seçkiləri ədalətli və şəfaf şəkildə keçirilib. Öncədən də gözlənildiyi kimi bu seçkilər demokratik şəkildə keçirildi. Demək olar ki, dünən seçki keçirilən zaman seçki məntəqələrinə gələn seçicilər çox rahat bir şəkildə öz səslərini verib. Siyasi arenada iki tərəf olur - qalib və məğlub tərəf. Müxalifətin məğlub olmasını qəbul etməməsi elə demokratiyaya xələl gətirmək deməkdir. Dünyanın heç bir ölkəsində seçkilərdə iki tərəf də qələbə çalmır. Məğlub tərəf hər zaman qalib tərəfi təbrik edir. Çox təəssüflər olsun ki, Azərbaycan müxalifətində səviyyə aşağı olduğu üçün qalib tərəfi təbrik etməyi bacarmır. Onlar demokratiya deyəndə, hesab edirlər ki, kiməsə qara ləkə yaxsınlar, hər şeyə kölgə salsınlar. Azərbaycan xalqı hər seçkidən sonra müxalifətin bu sərsəm bəyanatlarına öyrənibdir. Artıq beynəlxalq təşkilatlar da onların sözlərini eşitmirlər.
Millət Vəkili Əhməd Vəliyev:
- Keçirilən prezident seçkiləri azad və demokratik şəkildə keçirilib. Bir sözlə, Azərbaycan xalqı Yeni Azərbaycan Partiyasının namizədi Cənab İlham Əliyevi dəstəkləyərək səs verdilər. Bu gün Cənab İlham Əliyev Azərbaycan dövlətinin çiçəklənməsi üçün bütün işləri görüb. Bu da öz
bəhrəsini müsbət şəkildə verib. Hər zaman Cənab İlham Əliyevin apardığı güclü siyasətlə bir çox uğurlara imza atan Azərbaycan bundan sonrada böyük uğurlara imza atacaqdır.
GÜLYANƏ,
İNTİZARƏ
Bütün xəbərlər Facebook səhifəmizdə
USD
EUR
GBP
RUB
