Mais Səfərli: “Radikal müxalifət liderlərinin yaratdıqları birliklər onların iddialarının və şəxsi ambisiyalarının qurbanı olur”
"Yurddaş" partiyasının sədri Mais Səfərlinin müsahibəsi:
- Mais müəllim, müxalifətin pərakəndə və
dağınıq halda olmasının başlıca səbəbini liderlərinin səhv siyasət aparmaları ilə
əlaqələndirmək olarmı?
- Artıq 20 ilə yaxındır ki, liderlər
müxalifət partiyalarına başçılıq edirlər. Bu illər ərzində onlar öz
partiyalarını inkişaf etdirə bilməyiblər. İqtidar-müxalifət münasibətlərinin
qurulması üçün cəhdlər də göstərməyiblər. Bu da onların kobud səhvlərindən
irəli gəlir. Bütün bunlar həmin liderlərin nüfuzunun aşağı düşməsinə və partiya
üzvlərinin onları tərk edərək getməsinə səbəb olur. Hesab edirəm ki, müxalifət
partiyaları həm daxildə çox zəifdir, həm
də öz aralarında çox ciddi şəkildə həlledilməz ziddiyyətlərə və münaqişələrə
malikdilər.
- Nəyə görə birlikdən danışan müxalifət
partiya sədrləri əməli fəaliyyətlərində müxtəlif xarakterli blok və qurum
yaradırlar?
- Radikal müxalifət partiya liderlərinin
iddiaları ambisiyaları ilə bağlıdır. Hər bir müxalifət partiya liderləri
yataraq yuxuda özlərini prezident görərək düşünürlər ki, onların hər biri
özündən başqa digər bir namizədi qəbul edə bilmir. Ona görə də, müxalifət partiyalarının
birlikləri davamlı olmur. Yəni yaratdıqları birlikdə onların iddialarına və
şəxsi ambisiyalarına qurban olur.
- 20
ilə yaxındır ki, ölkədə radikal müxalifət partiyaları fəaliyyət göstərir. Bu
partiyalar fəaliyyət göstərdiyi müddət ərzində heç nəyə nail ola bilməyiblər.
Sizcə, bundan sonra onların nə isə əldə
edə biləcəkləri nə dərəcədə inandırıcıdır?
- 20
il ərzində müxalifət liderləri hansısa bir partiyaya başçılıq edərək heç nəyə
nail ola bilməyibsə,
düşünürəm ki, həmin partiya liderləri nəinki partiya sədrliyindən, hətta
siyasətdən getməlidirlər. Çünki bütün demokratik ölkələrdə belə bir ənənə var
ki, əgər bir partiya lideri bir və iki dəfə ölkədə keçirilən seçkilərdə
uğursuzluğa düçar olursa, həmin partiya lideri siyasətdən getməlidir. Düşünürəm
ki, bundan sonra da müxalifət partiya liderləri heç nəyə nail ola bilməyəcək.
GÜLYANƏ
Bütün xəbərlər Facebook səhifəmizdə
USD
EUR
GBP
RUB