Cari ilin iyul ayı ərzində Dövlət Sərhəd Xidməti tərəfindən dövlət sərhəddinin etibarlı mühafizə istiqamətində məqsədyönlü tədbirlər həyata keçirilmiş, qaçaqmalçılığa, qeyri-leqal miqrasiyaya, narkotik vasitələrin qeyri-qanuni dövriyyəsinə qarşı mübarizə uğurla davam etdirilib.
Dövlət Sərhəd Xidmətindən SİA-ya verilən məlumata görə, iyul ayı ərzində dövlət sərhədini pozduqlarına görə 38 halda 74 nəfər saxlanılıb. Sərhəd nəzarət buraxılış məntəqəsində 27 halda 52 nəfər saxta sənədlə, 1 halda 1 nəfər özgəsinə məxsus sənədlə, 2 halda 2 nəfər gizli şəkildə dövlət sərhəddindən keçməyə cəhd edərkən saxlanılıb.
Cinayətkarlığa qarşı mübarizə tədbirləri nəticəsində Azərbaycan Respublikası hüquq-mühafizə orqanları tərəfindən axtarışda olan 127 nəfər aşkarlanaraq aidiyyəti orqanlara təhvil verilib.
Narkotik vasitələrin qeyri-qanuni dövriyyəsinə qarşı mübarizə tədbirləri nəticəsində 19 halda 17 kiloqram 231,7 qram narkotik maddənin, o cümlədən 12 kq 89,3 qram həşişin, 4 kq 878,2 qram heroinin, 250 qram tiryəkin, 14 qram narkotik tərkibli həbin, 0,15 qarm marixuananın dövlət sərhədindən keçirilməsinin qarşısı alınıb.
Narkotik maddələrin qanunsuz dövriyyəsi ilə məşğul olanlar məqsədlərinə nail olmaq üçün müxtəlif vasitələrdən istifadə edirlər. Astara Sərhəd Nəzarət Məntəqəsində iyul ayı ərzində gömrük orqanları ilə birgə aparılan zamanı İrandan Azərbaycana keçmiş şəxslərdə 11 halda müxtəlif miqdarda narkotik maddələr aşkarlanıb. Ayın 2-də Astara rayon sakini Nəsirov Ceyhun Səttar oğlunun dizdən aşağı ayaqlarına bağlanmış halda 197 qram heroin, 4-də Lənkəran rayon sakini Adıgözəlov Nəsimi Vidadi oğlunun ayaqqabılarının daban hissəsində 101 qram heroin, 6-da Astara rayon sakini Yusubov Mahir Əbdülağa oğlunun ayaqqablarına bağlı şəkildə 213 qram tiryək, 10-da Lənkəran rayon sakini Tağıyeva Həqiqət Əlimuxtar qızının əl çantasında 94 qram heroin, 11-də Lerik rayon sakini Məmiyev Mübariz Eldar oğlunun ayaqqabılarının içərisindən 71 qram həşiş, 12-də İİR vətəndaşı Fared Rəsul Şükürün isarə etdiyi "Neoplan" markalı avtobusun salonunda sürücüyə məxsus çantada olan ayaqqabıların alt hissəsində gizlədilmiş halda 333 qram heroin, 14-də Gəncə şəhər sakini Yusubov Elçin Sabir oğlunun idarə etdiyi "Lada-06" markalı avtomabilin kardanının içərisindən 3 kiloqram 45 qram heroin, 15-də Salyan rayon sakini Salahov Rüfət Sabir oğlunun qoltuğunun altında 24 qram tiryək , 16-da Lənkaran rayon sakini Qafarov Şakir Əlipaşa oğlunun anusundan 45 qram heroin və 6 qram həşiş, Astara rayon sakini, ölkəmizdə qeyri-rəsmi fəaliyyət göstərən "Azərbaycan İslam Partiyası"nın üzvü Axundov Feyzulla Höcətulla oğlunun anusundan 53 qram heroin və 12 qram həşiş aşkar olunaraq götürülüb.
İyul ayının 14-də Yardımlı rayonunun Daşkənd kəndi yaxınlığında yerləşən sərhəd zastavasının xidməti ərazisində İran İslam Respublikası istiqamətində dövlət sərhədini pozarkən 1 nəfər silahlı İİR vətəndaşı saxlanılmışdır. Sərhəd pozucusunun üzəriə baxış keçirilərkən bir ədəd KİNG-2500 markalı tapança, 1,2 qram heroin aşkarlanıb.
İyulun 19-da Astara rayonunun Sım kəndi istiqamətindən İran İslam Respublikasından bir qrup qaçaqmalçı tərəfindən respublikamıza 12 kq həşiş və 1 kq heroinin keçirilməsinin qarşısı alınıb. Qaçaqmalçılar sərhəd naryadının komandasına və xəbərdarlıq atəşinə məhəl qoymayaraq havanın qaranlıq və relyefin dağlıq olmasından yaralana bilmiş və əllərindəki qaçaqmalı hadisə yerində ataraq geriyə İİR-na qaçmağa müvəffəq olmuşlar.
Dövlət Sərhəd Xidmətinin əməkdaşları tərəfindən "Xaş-xaş-2011" şərti adı altında həyata keçirilmiş kompleks əməliyyat-axtarış tədbirləri nəticəsində ayın 20-də Zaqatala rayonunun Ağdamkələl kəndi ərazisində 7 hektar sahədən 13 ton yabanı şəkildə bitmiş çətənə kolu yığılmış, yerli hüquq-mühafizə orqanları əməkdaşlarının və ictimaiyyət nümayəndələrinin iştirakı ilə yandırılaraq məhv edilib.
Qaçaqmalçılıq fəaliyyətinə qarşı mübarizə çərçivəsində həyata keçirilmiş tədbirlər nəticəsində 62 halda ümumi dəyəri təqribən 730 min manat olan qaçaqmal, o cümlədən 1 ədəd 16 mm-lik tüfəng, 300 min ABŞ dolları, 225 ədəd mobil telefon, 171 ədəd mobil telefon aksessuarları, 283 baş xırdabuynuzlu mal-qara, 5 baş camış, 1 baş at, 1108 qutu siqaret, 524 qram qızıl zinət əşyaları, müxtəlif spirtli içkilər, ərzaq sənaye və kənd təsərrüfatı malları saxlanılıb.
Respublikamızın dəniz sərhədləri istiqamətində dövlət sərhədinin mühafizəsi və sərhəd rejim qaydalarının qorunması istiqamətində keçirilmiş tədbirlər nəticəsində 5 halda 8 nəfər sərhəd rejim pozucusu saxlanılmış, dənizdən 5545 metr tor aşkar olunaraq götürülüb.
Dövlət sərhədlərimizin etibarlı mühafizəsinin təşkili istiqamətində tədbirlər davam etdirilir.
Bütün xəbərlər Facebook səhifəmizdə
USD
EUR
GBP
RUB