Vəhdət Partiyasının Sədri Tahir Kərimli və Yeni Azərbaycan Partiyası (YAP) siyasi şurasının üzvü Partiyanın Qaradağ Rayon Təşkilatının sədri Aydın Hüseynovun SəsTv -yə müsahibəsi
- Bəzən Beynəlxalq Təşkilatlarda Azərbaycanda dəqiqiləşdirmə aparmadan hakimiyyətdən məqsədli şəkildə narazı qalan siyasi-ictimai təşkilatlardan əldə etdikləri informasiya əsasında Azərbaycanla bağlı hesabat yayırlar. Bu cür hesabatlar ciddi qurum hesab edilən həmin təşkilatlara nə dərəcədə başucalığı gətirə bilər?
Tahir Kərimli: - Mən belə hesab edirəm ki, onlar o qədər də müstəqil deyillər. ABŞ-nın Dövlət Departamentindən, digər dövlətlərdən və ya dövləti dəstəkləyən hansısa qurumlardan asılıdır. Onların Azərbaycan dövlətinə qarşı münasibətinin kökündə birinci onları maliyyələşdirən, arxasında olan dövlət qurumlarının mənafeyi durur. İkincisi bundan ibarətdir ki, həmin dövlətlər, qurumlar Azərbaycanda hakimiyyətin ciddi müxalifət obrazını yarada bilməyiblər. Dəfələrlə müxalifət nümayəndələri ilə onların görüşləri keçirildi, ərəb inqlabları ilə onları həvəsləndirdilər, lakin xalq dəstəkləmədiyi üçün radikal müxalifət zəif düşdü. Həmin beynəlxalq təşkilatlar da pərişan oldu. Bu pərişanlığın əvəzini çıxmaq üçün onlar radikal müxalifətdən aldıqları məlumat əsasında müxtəlif rəylər yaradıb, qərarlar verməkdən ibarətdir. Adı çəkilən təşkilatlar ancaq radikal müxalifəti dinləyir. Hansı ki, gündən-günə güclənən hakimiyyətə təsir imkanları minimum olan müxalifətlə daxildən təsir edə bilmədikləri halda xarici təzyiqlər vasitəsilə beynəlxalq rəylər yaratrmaq istəyirlər.
Demək olar ki, təşkilatların əksəriyyətinin mərkəzi adətən Tbilisi şəhərində olduğu halda rəhbərlərinin də erməni olması çox maraqlıdır. Təsəvvür edin ki, Qafqazı əhatə edən Azərbaycan təşkilatının içərisində hansısa erməni və ya ermənipərəst rəhbərlər fəaliyyət göstərirsə təbii ki onlarında fəaliyyəti Azərbaycana zidd olacaq.
- Aydın müəllim, bu yaxınlarda Gürcüstanda hakimiyyətin törətdiyi zorakılıq nəticəsində bir neçə nəfər yaralanıb, çoxsaylı insan həbs edilib. Fransa, ABŞ kimi dövlətlər bunu hansısa qüvvələrin ölkə daxilində çaxnaşma yaratması kimi qiymətləndirdi. Azərbaycanla bağlı bu məsələlərdə hay-küy qaldırıb bəyanatlar səsləndirilər. Bu ikili oyunu nə ilə əlaqələndirmək olar?
Aydın Hüseynov: - Bir neçə il bunadan əvvəl Ermənistan parlamentində 7 nəfər aparıcı parlament üzvünü qətlə yetirdilər. Mənə elə gəlir ki, belə bir analoji hal heç bir yerdə baş verməyib. Xarici dövlətlər və ictimai qurumlar tərəfindən buna heç bir reaksiya olmadı. Eləcə də Ermənistanda Sarkisyan hakimiyyətə gələrkən ona qarşı olan qüvvələrə divan tutuldu və onlarca insan qətlə yetirildi. Xarici ölkələrdən buna da heç bir reaksiya olmadı.
Son illər Azərbaycanda seçkilər və siyasi proseslər beynəlxalq təşkilatların, beynəlxalq qurumların eləcə də digər ölkələrin müşaiyəti ilə keçir. Azərbaycanda belə bir hal baş vermir. Azərbaycan dövləti həm iqtisadi, həm siyasi cəhətdən getdikcə qüvvətlənir. 3 il ərzində Azərbaycan iqtisadiyyatında durğunluq olsa belə ölkə özünü saxlamaq iqtidarına malikdir. Ölkənin valyuta ehtiyatları 38 milyard dollardır. Təkcə dövlət büdcəsi 20 milyard dollardır. Təkcə neft sektoru yox, qeyri-neft sektorunda da inkişaf tempi çox dinamik şəkildə gedir. Azərbaycan dövləti qüvvətləndikcə, demokratik yolla irəlilədikcə və iqtisadiyyatında bazar kondikturası əsasında inkişaf etdikcə müxalifətin daxildə deməyə heç bir sözü qalmır. Azərbaycanın inamla inkişafı, sabitliyi, xalqın dövlət rəhbərləri ilə birliyi milli və dövlətçilik maraqları, özünə inamı onları qorxudur.
- ABŞ Dövlət Departamentinin yaydığı hesabatda Azərbaycanı insan alverinin kök saldığı tranzit ölkə kimi dəyərləndirdi. Bu cür ədalətsiz yanaşmanın məntiqsizliyi özünü ən çox nədə göstərir?
Tahir Kərimli: - Həmin hesabatda Çin, Koreya, Pakistan və digər mənşəli insanların Azərbaycanda çörək pulu qazanmağı Azərbaycanın günahı kimi yazılır. Biz bilirik ki, Ermənistan lap qədimdən insan alveri ilə, qadın ticarəti ilə məşğul olub, özü də bu prosesdə birbaşa iştirak edib. Nə üçün bu hesabatda bu mövzuya sərt münasibət yoxdur?
Azərbaycanda bu məsələ SSRİ-nin dağıldığı son mərhələlərdə ölkənin çətin dövrlərində baş verib, hansı ki, qadınların xarici ölkələrə yol tapmaları o zaman daha çox yayılmışdır. İndi Azərbaycan dövləti qüdrətlənir və son dövrlərdə bu məsələlər kəskin şəkildə azalıb, bunu görməmək mümkün deyil.
- İşğal olunan Dağlıq Qarabağda azərbaycanlılar qətlə yetirildi, didərgin düşdü, tarixi abidələrimiz, memarlıq irsimiz dağıdıldı. Həmin beynəlxalq təşkilatlar bircə dəfə də olsun Ermənistana qarşı ciddi tədbirlər görülmədi. Azərbaycana qarşı bu haqsızlıq deyilmi?
Aydın Hüseynov: - Ümumiyyətlə bəşəriyyətin ən böyük varlığı insandır və xüsusilə körpələrdir. Ermənistan bu gün körpələrin qətli ilə məşğuldursa, bu cinayəti törədirsə və ona bir təpki gəlmirsə və sözsüz ki, tarixi abidə artıq ön plana keçir. 13 yaşlı və 8 yaşlı uşağın qətli bütün bunlara sübutdur ki, bu cür faktlar yüzlərlədir. Ermənistanın bu hərəkəti bütün beynəlxalq təşkilatlar tərəfindən, beynəlxalq qurumlar tərəfindən, uşaqların müdafiəsi (YUNİESF) tərəfindən pislənməlidir. Tarixi abidələrin qorunması ilə bağlı əlaqədar təşkilatlar öz sözünü deməlidirlər. Ümumiyyətlə Qarabağda, Şuşada təkcə Azərbaycan mədəniyyəti çərçivəsində yox dünya mədəniyyəti nümunəsi olan, eramızın əvvəllərinə aid tarixi abidələrimiz var, lakin ermənilər bunları da məhv etmək dərəcəsindədir. Bununla əlaqədar olaraq biz öz səsimizi qaldırmalıyıq və beynəlxalq qurumlar da buna qarşı öz münasibətlərini bildirməlidirlər. Ermənilərin bu vandalizim siyasətinin qarşısı alınmalıdır.
Bütün xəbərlər Facebook səhifəmizdə
USD
EUR
GBP
RUB