Ağdərə və Ağdamda yeni arxeoloji abidələr aşkar edilib

29 May 14:12 | 3 551
Ağdərə və Ağdamda yeni arxeoloji abidələr aşkar edilib

Ağdərə və Ağdam rayonlarında yeni arxeoloji abidələr aşkar edilib.

Bu barədə SİA -ya Azərbaycan Milli Elmlər Akademiyası Arxeologiya və Antropologiya İnstitutundan məlumat verilib.

Bildirilib ki, Ağdərə rayonunun Canyataq kəndi yaxınlığında "Dəmirli" Filiz Emalı Kompleksi ərazisində və Ağdam rayon Göytəpə kəndi ərazisində arxeoloji qazıntı və monitorinq aparılıb.

"Dəmirli" Filiz Emalı Kompleks ərazisində aparılan arxeoloji monitorinq zamanı qeydə alınmış neolit dövrü yaşayış yeri tədqiqat üçün seçilib. Canyataq qədim yaşayış yeri, eyni adlı müasir kəndin şimal-şərq hissəsində diametri təxminən 250 m, çay dərəsindən hündürlüyü 30-35 m olan allüvial təpənin cənub hissəsində kiçik bir ərazini əhatə edir. Təpə şimal hissədə Gülyataq çayının dərəsi, cənub-şərq istiqamətindən isə Canyataq çayı ilə hüdudlanır. Təpənin cənub-şərq yamacında qoyulmuş yoxlama qazıntısı zamanı neolit dövrünə aid zəngin saxsı nümunələri, xeyli sayda osteoloji qalıqlar aşkar edilib. Görünən mənzərəyə görə neolit sakinləri bu əraziyə gəldikləri dövrdə ancaq təpənin həmişə gün işığı görən, maili şərq və qərb yamacında kiçik bir ərazidə məskunlaşıblar.

Ehtimala görə, düzənlik ərazidə yerləşən ayrı-ayrı yaşayış məskənləri və ya bu məskənlər daxilində kiçik qruplar bu faydalı qazıntıların tədarükü və ticarətilə məşğul olublar. Canyataq da çox böyük ehtimalla məhz oxra (sarı, narıncı, qırmızı və qəhvəyi çalarlı təbii boya kimi işlədilən təbii mineral piqment) tədarükü həyata keçirən bir düşərgə idi. Buradan aşkar edilmiş çoxlu sayda iri daş alət fraqmentləri və oxra qırıntıları bu ehtimalın sübutu olaraq göstərilə bilər. Qarabağın neolit dövrü mədənçiləri düşərgənin yaxınlığında mövcud yataqlardan oxranı əldə edərək buraya gətirmiş, kiçik parçalara bölərək düzən ərazilərə daşıyıblar.

Eyni zamanda arxeoloji monitorinq zamanı ilkin müşahidələr göstərib ki, ərazidə vaxtilə müsəlman qəbiristanlığı mövcud olub. Lakin qəbiristanlıq salınmış təpənin böyük bir hissəsi tamamilə dağıdılaraq yerində yol inşa edilib. Həmin sahədə arxeoloqlar tərəfindən orta əsrlər dövrünə aid tikili qalıqları və saxsı nümunələri aşkar edilib. Orta əsr tapıntıları şirli və şirsiz keramika məmulatı fraqmentlərindən ibarətdir. Şirli keramika nümunələri ümumilikdə kasa və boşqab formalı qablarla təmsil olunmaqla XI-XV əsrlərə aid edilirlər. Arxeoloji monitorinq qrupu tərəfindən ərazidə aparılan vizual müşahidələr zamanı kompleks yaxınlığında 3 ədəd kurqan qeydə alınıb.

Bundan başqa, növbəti arxeoloi monitorinq Ağdam rayonu ərazisində aparılıb. Nazirlər Kabinetinin qərarına əsasən, rayonun Göytəpə kəndində "Ölkə əhəmiyyətli daşınmaz tarix və mədəniyyət abidələrinin Siyahısı"nda iki arxeoloji abidə qeydə alınıb.

Göytəpə kəndinin qərbində yerləşən Göytəpə İlk tunc dövrünə aid yaşayış yeri ölkə əhəmiyyətli abidə hesab olunur. Aparılan yerüstü arxeoloji müşahidələr zamanı məlum olub ki, abidənin üst hissəsində antik dövrə aid nazik mədəni təbəqə var. Dörd hektardan artıq ərazini əhatə edən və 8 metrə yaxın hündürlüyü olan təpənin əsas hissəsi İlk Tunc dövrünə aiddir ki, bu da bəhs edilən dövrdə ərazidə intensiv məskunlaşmanın olduğunu göstərir. Bir neçə müddət öncə, Göytəpə abidəsinin qərbində yerləşən Eyvazxanbəyli kəndinin yenidən inşası zamanı abidə dağıntıya məruz qalıb.

Arxeoloji ekspedisiya tərəfindən aparılan monitorinq zamanı Göytəpə kəndi yaxınlığında, Eyvazxanbəyli kənd qəbiristanlığı ərazisində türbə də qeydə alınıb. Türbə hicri təqvimi ilə 1343, miladi təqvimi ilə 1924-cü ilə aiddir. Türbənin üzərindəki daş kitabəyə əsasən burada "Şamil bəy Salman bəy oğlu" dəfn edilib. Nəzərə alsaq ki, 1920-ci ildə Azərbaycanda Sovet hakimiyyəti qurulub, çox güman ki, o, Eyvazxanbəyli nəslinin sonuncu bəylərindən biridir. Türbə altıguşəli planda inşa edilib. Altıguşəli türbə memarlığı, əsasən, qülləvari türbə tipinə aid olan və Azərbaycanın orta əsr memarlığında rast gəlinən nadir həndəsi formalardan biridir. Bu üslubda olan türbələr altıbucaqlı (heksaqonal) plana malikdir və adətən üstü günbəzlə tamamlanır.

WhatsApp-da Səs Media Qrupu kanalını izləyin
Banner

Bütün xəbərlər Facebook səhifəmizdə

Digər xəbərlər

Ceyhun Bayramov AQEM-in Baş katibi ilə VII Sammitin nəticələrini müzakirə edib
Siyasət

Ceyhun Bayramov AQEM-in Baş katibi ilə VII Sammitin nəticələrini müzakirə edib

Müharibə bizim seçimimiz olmayıb <span class="red">- MƏQALƏ</span>
Siyasət

Müharibə bizim seçimimiz olmayıb - MƏQALƏ

Bakı dünyaya yenə qucaq açdı: İndi etimada sədaqətin bəhrəsini görürük <span class="red">- MƏQALƏ</span>
Siyasət

Bakı dünyaya yenə qucaq açdı: İndi etimada sədaqətin bəhrəsini görürük - MƏQALƏ

“AQEM-ə sədrlik Azərbaycanın Avrasiya məkanında strateji birləşdirici rolunu ön plana çıxardı” <span class="red">- DEPUTAT DANIŞDI</span>
Siyasət

“AQEM-ə sədrlik Azərbaycanın Avrasiya məkanında strateji birləşdirici rolunu ön plana çıxardı” - DEPUTAT DANIŞDI

&quot;Azərbaycan regional və qlobal proseslərdə milli maraqlarına uyğun qərarlar qəbul edir&quot; <span class="red">- ŞƏRH EDİLDİ</span>
Siyasət

"Azərbaycan regional və qlobal proseslərdə milli maraqlarına uyğun qərarlar qəbul edir" - ŞƏRH EDİLDİ

&quot;Türk dünyasının güclənməsini istəməyən qüvvələr həssas mövzuları siyasiləşdirə bilərlər&quot; <span class="red">- POLİTOLOQ DANIŞDI</span>
Siyasət

"Türk dünyasının güclənməsini istəməyən qüvvələr həssas mövzuları siyasiləşdirə bilərlər" - POLİTOLOQ DANIŞDI

Prezident İlham Əliyev Gürcüstanın ölkəmizdə yeni təyin olunmuş səfirini qəbul edib
Siyasət

Prezident İlham Əliyev Gürcüstanın ölkəmizdə yeni təyin olunmuş səfirini qəbul edib

Azərbaycanda paralimpiya hərəkatının inkişafında xidmətləri olan şəxslər təltif edilib
Siyasət

Azərbaycanda paralimpiya hərəkatının inkişafında xidmətləri olan şəxslər təltif edilib

Prezident İlham Əliyev Hindistanın ölkəmizdə yeni təyin olunmuş səfirini qəbul edib
Siyasət

Prezident İlham Əliyev Hindistanın ölkəmizdə yeni təyin olunmuş səfirini qəbul edib

Sammitin əsas məqsədlərindən biri Asiyada sülhün, təhlükəsizliyin və sabitliyin möhkəmləndirilməsidir. <span class="red">- ŞƏRH</span>
Siyasət

Sammitin əsas məqsədlərindən biri Asiyada sülhün, təhlükəsizliyin və sabitliyin möhkəmləndirilməsidir. - ŞƏRH

“Qanun layihəsi satınalmaların hüquqi təminatının gücləndirilməsinə xidmət edir“ <span class="red">- AZƏR BADAMOV</span>
Siyasət

“Qanun layihəsi satınalmaların hüquqi təminatının gücləndirilməsinə xidmət edir“ - AZƏR BADAMOV

&quot;AQEM platforması Azərbaycan üçün xüsusi strateji əhəmiyyət kəsb edir&quot; <span class="red">- ŞƏRH</span>
Siyasət

"AQEM platforması Azərbaycan üçün xüsusi strateji əhəmiyyət kəsb edir" - ŞƏRH

Digər layihələrimiz

  • “Səs” qəzeti
  • Səs TV
  • Sia Sport
  • Sia Travel
Səs TV qaynar xətt: +(994 55) 699-88-81, +(994 12) 598-33-90, sesmediaqrup@gmail.com
LiveInternet: показано число посетителей за сегодня