“İran İslam Respublikasının Naxçıvan istiqamətində həyata keçirdiyi dron hücumları Azərbaycan cəmiyyətində ciddi narahatlıq və kəskin etiraz doğurmuşdur”.
Bu sözləri SİA -ya açıqlamasında Milli Məclisin Aqrar siyasət komitəsinin sədri Tahir Rzayev bildirib.
Onun sözlərinə görə, bu hadisələr ölkə ictimaiyyəti tərəfindən qətiyyətlə pislənilir. Çünki Azərbaycan və İran qonşu dövlətlər olaraq uzun illərdir qarşılıqlı hörmət və əməkdaşlıq prinsiplərinə əsaslanan münasibətlər qurmağa çalışıblar. Azərbaycan hər zaman İranın ərazi bütövlüyünə hörmətlə yanaşdığını və iki ölkə arasında münasibətlərin inkişaf etdirilməsinin tərəfdarı olduğunu dəfələrlə bəyan edib.
Lakin belə bir şəraitdə Naxçıvan istiqamətində dron hücumlarının həyata keçirilməsi və müəyyən dağıntıların baş verməsi beynəlxalq hüququn norma və prinsiplərinin pozulması kimi qiymətləndirilir. Bu cür addımlar təkcə iki ölkə arasındakı münasibətlərə deyil, ümumilikdə regionda mövcud olan sabitlik və təhlükəsizlik mühitinə də mənfi təsir göstərir. Qonşuluq və qarşılıqlı etimad prinsipləri fonunda bu cür hərəkətlər ciddi narazılıq doğurur və diplomatik münasibətlər baxımından qəbuledilməz hesab olunur.
Azərbaycan tərəfi dəfələrlə bəyan edib ki, ölkə ərazisindən İrana qarşı hər hansı hərbi və ya siyasi fəaliyyətə icazə verilməyib və verilməyəcək. Həmçinin Azərbaycan regionda hərbi qarşıdurmaların və müharibələrin genişlənməsinin əleyhinə olduğunu açıq şəkildə bildirib. Dövlət rəhbərliyi tərəfindən də bu məsələ ilə bağlı dəfələrlə vurğulanıb ki, Azərbaycan öz ərazisini üçüncü ölkələrə qarşı istifadə etdirmir və regionda sülhün qorunmasının tərəfdarıdır.
Belə bir şəraitdə İran tərəfindən həyata keçirilən dron hücumları və mümkün təxribat xarakterli addımlar qonşuluq münasibətlərinə ciddi zərbə vurur və regionda sabitliyin pozulmasına səbəb ola bilər. Xüsusilə Cənubi Qafqaz regionunda sabit mühitin formalaşdığı bir dövrdə bu cür hadisələrin baş verməsi əlavə gərginlik yaradan amil kimi qiymətləndirilir.
Bu baxımdan, baş vermiş hadisələrə İran tərəfi tərəfindən aydın və əsaslandırılmış izah verilməsi zəruridir. İran rəsmilərinin bu məsələ ilə bağlı rəsmi mövqe bildirməsi və yaranmış vəziyyətə münasibət açıqlaması gözlənilir. Əks halda, Azərbaycan öz təhlükəsizliyini təmin etmək və mümkün təhdidlərin qarşısını almaq üçün adekvat tədbirlər görmək hüququnu özündə saxlayır. Bu tədbirlər isə beynəlxalq hüququn prinsiplərinə uyğun şəkildə həyata keçirilə bilər.
Regionda sabitliyin qorunması və dövlətlərarası münasibətlərin sağlam əsaslar üzərində inkişaf etdirilməsi üçün qarşılıqlı hörmət, beynəlxalq hüquqa riayət və konstruktiv dialoq əsas şərtlər hesab olunur. Bu prinsiplərin pozulması isə həm regional təhlükəsizlik mühitinə, həm də dövlətlərarası əməkdaşlıq perspektivlərinə ciddi mənfi təsir göstərə bilər”.
Bütün xəbərlər Facebook səhifəmizdə
.jpg "Dünya niyə bu gündədir…")
.jpg)
USD
EUR
GBP
RUB
