“Fevralın 15-də möhtərəm Prezidentimiz cənab İlham Əliyevin Serbiya Respublikasına rəsmi səfəri çərçivəsində verdiyi bəyanat Azərbaycan–Serbiya münasibətlərinin artıq strateji tərəfdaşlıq mərhələsində yeni və daha məzmunlu bir dövrə qədəm qoyduğunu bir daha nümayiş etdirdi”. Bu sözləri Milli Məclisin Təbii ehtiyatlar, energetika və ekologiya komitəsinin sədr müavini Fatma Yıldırım SİA-ya açıqlamasında bildirib.
Onun sözlərinə görə, Cənab Prezidentin çıxışında xüsusi olaraq vurğulanan məqamlardan biri dövlət suverenliyinə və milli maraqlara sadiqlik prinsipidir ki, bu da bu gün beynəlxalq münasibətlər sistemində mühüm əhəmiyyət kəsb edi:
“Azərbaycan və Serbiya tarixən dövlətçilik ənənələrinə sadiq qalmış, öz suverenliklərini qorumaq uğrunda ciddi sınaqlardan keçmiş ölkələrdir. Bu baxımdan, Serbiya Prezidenti Aleksandar Vuçiçin rəhbərliyi ilə əldə olunan nailiyyətlər yüksək qiymətləndirilməlidir.
Səfər çərçivəsində Azərbaycan–Serbiya Strateji Şurasının ilk iclasının keçirilməsi münasibətlərimizin institusional əsaslarının daha da möhkəmləndirilməsi baxımından mühüm hadisədir. Həm siyasi dialoqun dərinləşdirilməsi, həm də beynəlxalq təşkilatlar çərçivəsində qarşılıqlı dəstəyin davam etdirilməsi iki ölkə arasında etimada əsaslanan əməkdaşlığın bariz nümunəsidir.
Energetika sahəsində əməkdaşlığın genişlənməsi isə xüsusi diqqətəlayiqdir. Azərbaycanın Serbiyaya təbii qaz ixracı, ixrac həcminin artırılması barədə razılıq, eyni zamanda birgə elektrik stansiyasının inşası ilə bağlı qəbul edilən qərarlar strateji əhəmiyyət daşıyır. Bu, təkcə iqtisadi əməkdaşlıq deyil, həm də Avropanın enerji təhlükəsizliyinə verilən real töhfədir. Azərbaycanın 2032-ci ilə qədər əlavə 8 giqavat enerji gücü əldə etmək planı ölkəmizin artan ixrac potensialının göstəricisidir və bu kontekstdə Serbiya ilə əməkdaşlıq qarşılıqlı faydaya əsaslanan model kimi çıxış edir.
Millət vəkilinin sözlərinə görə, bu səfərin nəticələri yaxın zamanda konkret layihələr və birgə təşəbbüslər şəklində özünü göstərəcəkdir. Azərbaycan–Serbiya münasibətləri dostluq, qarşılıqlı hörmət və strateji baxış üzərində qurulub və gələcək illərdə daha da möhkəmlənəcəkdir”.
Bütün xəbərlər Facebook səhifəmizdə
.jpg "AXC-nin Binasında Nə Baş Verib - ŞOK ETİRAF!")
.jpg "Sənədsiz ev sahiblərinə ŞAD XƏBƏR")
USD
EUR
GBP
RUB
