Qafqaz Müsəlmanları İdarəsinin (QMİ) sədri, Şeyxülislam Allahşükür Paşazadə Azərbaycanda səfərdə olan Qazaxıstanın mədəniyyət və informasiya naziri Aidə Balayeva ilə görüşüb. Bu barədə SİA-ya QMİ-nin Mətbuat Xidmətindən bildirilib.
Görüşdə şeyxülislam A.Paşazadə Azərbaycan və qazax xalqlarının tarixi dostluq münasibətlərindən bəhs edib, həmçinin ölkələrimiz arasında bir sıra sahələrdə olduğu kimi, mədəni əlaqələrin də inkişaf etdiyini vurğulayıb.
Əməkdaşlığın daha da möhkəmləndirilməsi üçün birgə layihələrin həyata keçirilməsinin önəmi qeyd olunub. Bildirilib ki, Türk Dövlətləri Təşkilatı çərçivəsində qardaş xalqlarımız və dövlətlərimiz arasında bütün sahələrdə, o cümlədən, dini-mənəvi əlaqələrin dərinləşməsi üçün yeni imkanların açıldığı bir dövrdə ortaq dini-mədəni dəyərlərin, türk-İslam irsinin, tarixi, milli ənənələrin qorunub saxlanılması və inkişaf etdirilməsi yönündə səylər artırılır.
Nazir Aida Balayeva iki ölkə arasında əlaqələrin yüksək səviyyəsindən məmnunluğunu ifadə edib. O bildirib ki, ölkələr arasında əməkdaşlığın dərinləşdirilməsinə töhfə verəcək geniş imkanlar mövcuddur.
Nazir bu il Qazaxıstanın Azərbaycanda Mədəniyyət günlərinin keçirildiyini, gələn il Azərbaycanın Qazaxıstanda Mədəniyyət günlərinin keçiriləcəyindən bəhs edib.
Dövlət rəhbərlərimizin qarşılıqlı səfərlərinin qardaş ölkələr arasında əlaqələrin inkişafına böyük təkan verdiyini vurğulayan A.Paşazadə öz növbəsində, Dünya və Ənənəvi Dinlər Liderləri Qurultayının katibliyinin üzvü olaraq 20 illik tarixə malik Astana qurultaylarında mütəmadi iştirakından danışıb, üzvü olduğu TDT Müsəlman Dini İdarə rəhbərləri Şurasının növbəti toplantısının gələn il Qazaxıstanda keçiriləcəyini bildirib.
Görüşdə qarşılıqlı maraq doğuran digər məsələlər ətrafında fikir mübadiləsi aparılıb.
Qəbulda Milli Məclisin Vitse-spikeri F. İbrahimli, komitə sədrləri və deputatlar, AR Dini Qurumlarla iş üzrə Dövlət Komitəsinin sədri M. Qurbanlı, Azərbaycanda fəaliyyət göstərən dini konfessiyaların rəhbərləri iştirak ediblər.
Bütün xəbərlər Facebook səhifəmizdə
USD
EUR
GBP
RUB