Elnur Əbülfəzoglu
QARABAĞ NUR ALDI HAQQ GÜNƏŞINDƏN
Torpaqlar uğrunda qanlı döyüşdə,
Neçə yaralı var, neçə şəhid var.
Bir amal uğrunda şanlı yürüşdə,
Şirin canlarından keçdi oğullar.
Qorxuda bilmədi heç nə onları,
Düşməni məhv edib diddi igidlər.
Heç vaxt atmadılar bir addım geri,
Yalnız irəliyə getdi igidlər.
Susmadı əllərdə silahlar bir an,
Təşvişə düşərək qaçdı yağılar.
Özgə torpağına göz dikənlərin,
Bilin ki, xanəsi belə dağılar.
Əl çəkə bilmədi iblis felindən,
Günahsız insanlar hədəf seçildi.
Hər dəfə bəd əməl, bəd niyyətiylə,
Düşmən cılızlaşdı, düşmən kiçildi.
Xalqım məğrur durdu, məğrur dayandı,
Qıra bilmədilər iradəsini.
Ali Baş Komandan polad əzmiylə,
Dünyaya çatdırdı haqqın səsini.
Qayıtdı birbəbir torpaqlar geri,
Qarabağ nur aldı haqq günəşindən.
Indi asılıbdlr zəfər bayrağım,
Odlar diyarının hər güşəsindən.
Tarix yazdı qanlarıyla şəhidlər
Vətən andlı, torpaq andlı savaşda,
Tarix yazdı qanlarıyla şəhidlər.
Hər addım başında, hər bir qarşıda,
Tarix yazdı qanlarıyla şəhidlər.
Yağıları zəmi kimi biçdilər,
Zəfər üçün müqəddəs and içdilər.
Haqq uğrunda canlarından keçdilər,
Tarix yazdı qanlarıyla şəhidlər.
Bicə yol da geri addım atmadı,
Gecə-gündüz hey döyüşdü, yatmadı.
Nankor düşmən arzusuna çatmadı,
Tarix yazdı qanlarıyla şəhidlər.
Sındırdılar namərdlərin belini,
Susdurdular qaragüruh dilini,
Qandallayıb silah tutan əlini,
Tarix yazdı qanlarıyla şəhidlər.
Son qoyuldu bir məkrli oyuna,
Bəlkə dünya bu qəflətdən oyana,
Lənət olsun bədxahların soyuna,
Tarix yazdı qanlarıyla şəhidlər.
Ulu Tanrım hifz eylədi ordumu,
Ordum da ki, azad etdi yurdumu.
Bircə dəfə niyə, nədən sordumu? -
Tarix yazdı qanlarıyla şəhidlər.
Azad görüb neçə kəndi, şəhəri,
Qəlbimizdən silib atdıq qəhəri,
Xalqımıza bəxş eyləyib zəfəri,
Tarix yazdı qanlarıyla şəhidlər.
Bütün xəbərlər Facebook səhifəmizdə
USD
EUR
GBP
RUB
